JEREMÍAS 23:39 - Dios Rimashcata Quillcashcami

³⁹ cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

JEREMÍAS 23:39 Iomraidhean Croise

GÉNESIS 4:16

Caín Mandac Diospac ñaupamanta rishpaca, Edén huerta inti llucshic lado Nod llactapimi causagrirca.

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

2 REYES 23:27

Chaimantami Mandac Diosca: «Israel llactapi causaccunata ñuca ñaupamanta anchuchishca shinallatacmi Judá llactapi causaccunatapish anchuchigrini. Shinallatac ñuca acllashca Jerusalén pueblotapish, ñuca: “Chaipimi ñuca shutita churasha” nishca huasitapish chingachigrinimi» nirca.

SALMOS 51:11

Cambac ñaupamantaca amatac anchuchichu. Cambaclla Espiritutapish ñucamanta ama quichuichu.

PROVERBIOS 13:13

Shinallatac mandashcata millanayachicca jatun llaquitami apanga. Ashtahuanpish mandashcata manchashpa cazuc runaca allitami japinga.

ISAÍAS 48:15

Ñucallatacmi chashna rimashpa, cayashpa pushamurcani. Chaimantami tucui pai ima ruhuashcaca alli canga.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 23:33

Jeremías canta: “Cai llactapi causac maijancuna, mana cashpaca shuctac huillac, mana cashpaca cura: ¿Mandac Diosca imatatac huillan?” nishpa tapucpica: Canca: “Mandac Diosca: ‘Ñucaca cancunataca shitagrinimi’ ninmi ningui” nirca.

JEREMÍAS 23:38

Shina tapucpi cancuna: “Mandac Diosmi huillachun nirca” nicpica, Mandac Diosca: “Ñuca huillashcami ama nichun nishca jahua: ‘Mandac Diosmi huillachun nirca’ nicpica,

JEREMÍAS 35:17

Chaimantami israelcunapac tucuita Mandac Dios ñucaca: Judá llactapi causaccunapish, Jerusalenpi tucui causaccunapish ñuca rimashcata, ñuca cayashcataca mana uyarcacunachu. Chaimantami paicunata llaquichishami nishpa rimashca shinallatac llaquichigrini nini» ninmi.

JEREMÍAS 36:31

Mana allita ruhuashpa causashcamantaca paitapish, paipac huahua huahuacunatapish, paita serviccunatapish llaquichishami. Chashna ñuca huillacpipish, paicunaca mana cazurcachu. Chashnami paicunatapish, Jerusalenpi causaccunatapish, Judá llacta runacunatapish llaquichigrini” ninmi ningui» nirca.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JEREMÍAS 7:15

Ima shinami cancunapac huauquicunatapish, Efrainpac huahua huahuacunatapish ñuca ñaupamanta llucchishpa cacharcani, chashnallatacmi cancunatapish llucchishpa cachasha” ningui» ninmi.

LAMENTACIONES 5:20

¿Imamantatac ñucanchictaca huiñaita cungaringui? ¿Imamantatac unaita shitashpa saquingui?

EZEQUIEL 34:11

Mandac Dios ñucaca: Riquichic, ñucallatacmi ñuca ovejacunataca mashcashpa cuidasha.

EZEQUIEL 34:20

Chaimantami Mandac Dios ñucaca: Ñucami huira ovejacunatapish, tullu ovejacunatapish taripasha.

EZEQUIEL 5:8

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.

EZEQUIEL 6:3

Chai urcucunataca: “¡Israel llacta urcucunalla, Mandac Dios rimashcata uyaichic! Mandac Dios urcucunatapish, lomacunatapish, chaipi tiyac yacucunatapish, pambacunatapish rimashpaca: Riquichic, ñucami cancunata llaquichichun, jatun macanacuita cachashpa, lomacunapi tiyac altarcunatapish tucuchigrini.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.