JEREMÍAS 23:10 - Dios Rimashcata Quillcashcami

¹⁰ Cai llactaca huainayashpa juchacunata ruhuaccuna jundami. Mandac Dios mana alli nicpimi, allpapish shitashca pamba shina, michina pambacunapish tucui chaquishca. Shuccunata llaquichingapacllami sinchi cancuna» nirca.

JEREMÍAS 23:10 Iomraidhean Croise

ESDRAS 10:18

Shuctac llacta huarmicunahuan cazarashca curacunapac churicunaca: Josadacpac churi Jesuapac huahuacuna, paipac huauquicunamanta huahuamantaca Maasías, Eliezer, Jarib, shinallatac Gedaliasmi carca.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

ISAÍAS 24:6

Chaimantami cai pachataca Dios cachashca llaqui tucuchicun. Cai pachapi causaccunaca shitashcami saquirin. Cai pachapi causaccuna juchata ruhuashcamantami chashna llaquichin. Chaimantami cai pachapi causaccunaca chingarishpa, maijanlla saquirishca.

ISAÍAS 5:18

¡Aij, mana allita ruhuana yuyaita huascahuan aisac shina llullaccunalla! ¡Carretata aisac angu shina, juchata ruhuaccunalla!

JEREMÍAS 12:11

Llactatami llaquinayaita tucui tucuchishpami, shitashca pambata shina saquirca. Pipish chai llactata mana yuyarishcamantami, chashna tucuchishpa shitashca pambata ruhuarca.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

JEREMÍAS 6:13

Paicunapurapica uchilla huambracunapish, yuyaccunapish chayucyanallatami munan. Huillac runacunapish, curacunapish llullashpami umaccuna.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

JEREMÍAS 9:12

Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

OSEAS 7:4

Paicunaca yallita huainayaccunami. Paicunaca tandata ruhuai callarishpa, tanda punguillingacaman rupac horno shinami.

JOEL 1:10

Pambacunapish llaquinayaita tucuchishcami siricun. Trigo chagrapish, llullu vinopish, aceitepish chaquishpa tucurishcami.

LEVÍTICO 5:1

Maijanpish imata ricushca cashpa, mana cashpaca uyashca cashpa, chaita mana huillashpaca juchayucmi tucun.

SOFONÍAS 3:4

Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

1 TIMOTEO 1:10

huaclliriccunata, caripura huarmipura chayariccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi can.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.