JEREMÍAS 22:18 - Dios Rimashcata Quillcashcami

¹⁸ Chaimanta Mandac Dios Josiaspac churi Judá llactata jatun mandac Joacimmanta rimashpaca: «Pai huañucpica, pipish: “¡Aij, ñuca huauquilla, ñuca panilla!” nishpaca, mana huacangachu. Shinallatac: “¡Aij, ñuca amolla, aij, ñuca jatun mandaclla!” nishpapish, mana llaquiringachu.

JEREMÍAS 22:18 Iomraidhean Croise

2 SAMUEL 1:26

Ñuca huauqui Jonatanlla, canmantaca yallitami llaquirini. Ñucapacca yallitami cuyashca carcangui. Cambac cuyaica huarmicunapac cuyaitapish yallimi carca.

1 REYES 13:30

Puebloman chayashpaca, paita enterrangapac ruhuashca jutcupimi enterrarca. Ña enterrashpaca: «¡Aij, ñuca huauquilla!» nishpami huacarca.

2 REYES 23:36

Joacimca ishcai chunga pichca huatata charishpami mandai callarirca. Paica chunga shuc huatatami Jerusalenpi mandarca. Paipac mamaca Ruma pueblomanta Pedaiaspac ushi Zebudami carca.

2 REYES 23:6

Shinallatac Asera huarmi diosta yuyarina yuratapish Mandac Diospac huasimanta llucchishpa aparishpami Jerusalenmanta canzhaman Cedrón pambapi rupachirca. Chai pambapi rupachishca, uchupataca chai pueblomanta gentecuna enterrashca jahuapimi shitarca.

2 REYES 24:6

Joacim huañushpa, paipac ñaupa taitacunahuan tandanacugricpica, paipac churi Joaquinmi paipac randi mandai callarirca.

1 CRÓNICAS 3:15

Josiaspac punta churica Johanán, ishcainiqui churica Joacim, quimsaniqui churica Sedequías, chuscuniqui churica Salummi carca.

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

2 CRÓNICAS 36:5

Joacimca ishcai chunga pichca huatata charishpami mandai callarirca. Paica chunga shuc huatatami Jerusalenpi mandarca. Paita Mandac Diospac ñaupapica mana allitami ruhuarca.

JEREMÍAS 16:4

yalli nanai ungüicunahuanmi huañunga. Chai huañushcacunamantaca pi mana huacangachu, shinallatac mana enterrangachu. Allpapimi huanu tucunga. Paicunaca jatun macanacuipi yalli yarcaihuanmi tucuringa. Chai huañushcacunataca volac animalcuna, sacha animalcunami micunga nini» nirca.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

JEREMÍAS 21:11

Judá llactata jatun mandacpac huasi ucupurataca: “Mandac Dios rimashcata uyaichic.

JEREMÍAS 22:10

Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

JEREMÍAS 22:12

ashtahuanpish paita prezu apashca llactapi huañushpami, cai llactataca mana cutinca ricunga.

JEREMÍAS 34:5

Ashtahuanpish sumac huañuitami charingui. Can huañucpica, ñaupa taita jatun mandaccunaman shinami mishquilla ashnacucta rupachinga. Paicuna canmanta llaquishpaca: ‘¡Aij, ñucanchic mandaclla!’ nishpami huacanga. Ñuca huillachishcaca chashnatacmi pactanga. Chaitaca Mandac Dios ñucami nini” ninmi ningui» nirca.

JEREMÍAS 36:30

Chaimantami Mandac Dios Judá llactata jatun mandac Joacimmanta rimashpaca: Paica, David mandashpa tiyanapi tiyarishpa mandachunca, shuc churillatapish mana charingachu. Pai huañucpica, punzhaca rupaipi, tutaca chiri rasupimi shitanga.