JEREMÍAS 22:10 - Dios Rimashcata Quillcashcami

¹⁰ Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

JEREMÍAS 22:10 Iomraidhean Croise

2 REYES 22:20

Chaimantami can huañucpipish, cambac ñaupa taitacunahuan tandachisha. Canca ima llaquipish illacmi enterrashca cangui. Tucui jatun llaquicunata cai llactaman cachactaca canca mana ricunguichu’ ninmi” nigrichic» nirca. Chashna nicpimi jatun mandacman huillangapac cutircacuna.

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

2 CRÓNICAS 36:4

Egipto llactata jatun mandacca Judá llactata, Jerusalenta jatun mandac cachunca, Joacazpac huauqui Eliaquimtami churarca. Eliaquimtaca Joacimtami shutichirca. Paipac huauqui Joacaztaca Necaomi Egiptoman aparca.

ECLESIASTÉS 4:2

Chaita ricushpami huañuccunaca causaccunata yalli alli cashcata yuyarcani.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

JEREMÍAS 16:7

Llaquihuan cashpa, cushichina micunatapish pi mana carangachu. Shinallatac taita mama huañushcamanta llaquilla cacpipish, cushichina ubianata pi mana cungachu.

JEREMÍAS 22:11

Josiaspac churi Judá llactata mandac Salumca paipac taita Josías huañucpimi, paipac randi mandarca. Mandac Diosca cai llactamanta apashca Salummanta rimashpaca: «Paica ashtahuan mana caimanca cutimungachu,

JEREMÍAS 22:18

Chaimanta Mandac Dios Josiaspac churi Judá llactata jatun mandac Joacimmanta rimashpaca: «Pai huañucpica, pipish: “¡Aij, ñuca huauquilla, ñuca panilla!” nishpaca, mana huacangachu. Shinallatac: “¡Aij, ñuca amolla, aij, ñuca jatun mandaclla!” nishpapish, mana llaquiringachu.

JEREMÍAS 22:27

Quiquin llactaman cutinata tucui shunguhuan munashpapish manatac cutimui pudinguichicchu.

JEREMÍAS 25:27

Canca: “Israelcunapac tucuita Mandac Diosca: Caita ubiashpa, macharishpa arcadashpa urmaichic. Jatun macanacuita llaquichichun ñuca cachacpimi, mana jataringuichic” ninmi ningui.

JEREMÍAS 28:4

Shinallatac Joacimpac churi Judá llactata jatun mandac Joacimtapish, Judá llactamanta Babilonia llactaman prezu apashcacunatapish cutichimushami. Ñucallatacmi Babilonia llactata jatun mandacpac yugotaca paquisha. Chaitaca Mandac Dios ñucami nini” ninmi» nirca.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

JEREMÍAS 44:14

Puchushca Judá llacta gentecunaca Egipto llactapimi causangapac rirca. Chaicunamantaca shucllapish mana causac saquiringachu. Judá llactapi causangapac cutingapacca shucllapish mana saquiringachu. Paicunaca Judá llactaman cutishpa, causanatami yallita munan. Shina cashpapish, mana cuti pudingachu. Maijan miticushpa llucshiccunallami Judá llactamanca cutinga» nirca.

LAMENTACIONES 4:9

Grano mana pucucpi, yarcaihuan allimanta huañuna shinaca, allimi jatun macanacuipi huañurca.

EZEQUIEL 24:16

«Huañunalla runa, cambac cuyashca huarmitami cungailla quichugrini. Paimantaca ama llaquiringuichu, ama duelo churanata churaringuichu, ama huacanguichu.

SAN LUCAS 23:28

Jesús chai huacacuc huarmicunata tigrarishpa ricushpaca: —Jerusalén huarmicunalla, ama ñucamantaca huacaichicchu, ashtahuanpish cancunamanta, cancunapac huahuacunamanta huacaichic.