JEREMÍAS 21:4 - Dios Rimashcata Quillcashcami

⁴ “Israelcunata Mandac Diosca: Babilonia llactata jatun mandac-huan macanacuc cancunapac soldadocunata, jatun pirca muyundipi chapacuc caldeocunataca cancunapacllamantac cutichimushpami, cai llacta chaupiman chayachimusha.

JEREMÍAS 21:4 Iomraidhean Croise

ISAÍAS 10:4

Cancunaca prezu caccuna shina, cumurichishca, huañuchishcacuna shina urmashcami canguichic. Chashna llaquichishpapish Mandac Diosca nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 13:4

Urcucuna jahuapica achca gentecuna caparinacushca shina, jatun mandaccuna llactacunapi causaccuna tandanacushpa caparinacushca shinami uyarin. Tucuita Mandac Diosmi macanacungapac soldadocunata yupan.

ISAÍAS 5:5

Cunanca ñuca uvas chagrata imata ruhuagricushcatami huillagrini. Pipish chagrata tucuchichunmi muyundi jarcashcata urmachigrini. Pipish yaicushpa sarunacuchunmi pircatapish urmachigrini.

JEREMÍAS 20:4

Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 21:3

Chaimantami Jeremiasca paicunataca: «Jatun mandac Sedequiastaca:

JEREMÍAS 32:24

Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.

JEREMÍAS 32:3

Judá llactata jatun mandac Sedequías Jeremiastaca: «¿Ima nishpatac canca: “Mandac Diosca: Ñucami cai llactataca Babilonia llactata jatun mandacpac maquipi churani. Paimi cai llactataca japinga.

JEREMÍAS 32:5

Sedequiastaca Babilonia llactamanmi apachun mandanga. Ñuca cutin ricugringacamanmi chaipi causanga. Caldeocunahuan macanacushpapish mana ati pudingachu” ninmi nishpa huillangui?» nishpami prezurca.

JEREMÍAS 33:5

“Caldeocunami cai llactapi causaccunata tucui huañuchishpa tucuchingapac shamurca. Paicunallatac mana alli ruhuashpa causacushcamantami yallita piñarishpa, cai llactapi causaccunataca ñuca ñahuita pacashpa mana ricurcani.

JEREMÍAS 35:17

Chaimantami israelcunapac tucuita Mandac Dios ñucaca: Judá llactapi causaccunapish, Jerusalenpi tucui causaccunapish ñuca rimashcata, ñuca cayashcataca mana uyarcacunachu. Chaimantami paicunata llaquichishami nishpa rimashca shinallatac llaquichigrini nini» ninmi.

JEREMÍAS 39:3

Babilonia llactata jatun mandac churashca mandaccunaca Jerusalenman yaicurca. Chashna yaicushpami, chaupi pungu ladocunapi carpacunata shayachishpa tiyarirca. Chai mandaccunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer, shinallatac Babilonia llactata jatun mandac churashca tucui mandaccunami carca.

JEREMÍAS 52:18

Shinallatac Diospacta ruhuangapac imalla tiyashcacunatapish, jatun mangacunatapish, palacunatapish, mechata pitinacunatapish, jatun lavacaracunatapish, cucharacunatapish, broncemanta ruhuashca charinacunatapish tucuitami aparca.

LAMENTACIONES 2:3

Nina japiric shina piñarishpami, israelcunapac fuerzata chingachirca. Piñaccunapac ñaupapipish mana ayudarcachu. Nina japirishpa, muyundita rupachic shinami, Jacobopac aillucunata tucuchirca.

LAMENTACIONES 2:5

Mandac Diosca piñac runa shinami, israelcunataca tucuchirca. Mandashpa tiyana huasicunatapish, macanacuna pircatapish urmachishpami, Judá llactapi causaccunataca yallita llaquichirca.

LAMENTACIONES 2:7

Mandac Diosca paipac altarta shitashpami paipaclla huasitapish millanayachirca. Mandashpa tiyana huasitapish, jatun pircacunatapish urmachichunmi piñaccunapac maquipi churarca. Mandac Diospac huasipica fiesta punzhacunapi shinami, caparinacushca uyarirca.

EZEQUIEL 39:3

Cambac lluqui maquipi charicuc arcotapish quichushami, cambac alli maquipi charicuc flechatapish urmachishami.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

ZACARÍAS 14:2

Mandac Diosmi Jerusalenpi causaccunahuan macanacuchun, shuctac llactacunamanta tandachimunga. Paicunami cai llactata quichushpa, huasicunapi ima charishcacunatapish quichuga. Huarmicunatapish, japirishpa llaquichingami. Cai llactapi causacpuramanta chaupica prezumi ringa. Ashtahuanpish chai puchushca gentecunallami caipica saquiringa.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.