JEREMÍAS 21:1 - Dios Rimashcata Quillcashcami

¹ Judá llactata jatun mandac Sedequiasca Malquiaspac churi Pasurta, Maasiaspac churi Sofonías curatami Jeremiaspacman cacharca. Paicunata cachashpaca:

JEREMÍAS 21:1 Iomraidhean Croise

2 REYES 22:13

«Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

1 CRÓNICAS 3:15

Josiaspac punta churica Johanán, ishcainiqui churica Joacim, quimsaniqui churica Sedequías, chuscuniqui churica Salummi carca.

1 CRÓNICAS 9:12

Shinallatac Jerohampac churi Adaías, Jerohamca Pasurpac churi, Pasurca Malquiaspac churi, shinallatac Adielpac churi Masai curapish shamurcami. Adielca Jazerapac churi, Jazeraca Mesulampac churi, Mesulamca Mesilemitpac churi, Mesilemitca Imerpac churimi carca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

NEHEMÍAS 11:12

Diospac huasipi servic huauquicunaca pusac patsac ishcai chunga ishcaimi carca. Shinallatac Adadiasca Jerohampac churi, Jerohamca Pelaiaspac churi, Pelaiasca Amsipac churi, Amsica Zacariaspac churi, Zacariasca Pasurpac churi, Pasurca Malquiaspac churimi carca.

JEREMÍAS 29:25

“Israelcunapac tucuita Mandac Diosca: Canca tucui cai Jerusalenpi causaccunaman, Maasiaspac churi Sofonías curaman, caishuc curacunamanca cambac shutipi quillcashca cartatami cacharcangui. Chai cartapica:

JEREMÍAS 29:29

Chai cartataca Sofonías curami Dios ima nishcata huillac Jeremiaspac ñaupapi rezarca.

JEREMÍAS 35:4

Mandac Diospac huasiman pushamurcani. Chaica, Diosta servic Hananpac churicunapac huasimi carca. Hananca Igdaliaspac churimi carca. Chai huasica mandaccunapac huasi ladopi, Diospac huasi pungupi cuidac Maasiaspac huasi jahua altopimi carca. Maasiasca Salumpac churimi carca.

JEREMÍAS 37:1

Babilonia llactata jatun mandac Nabucodonosormi Josiaspac churi Sedequiasta Judá llactata jatun mandachun churarca. Paica Joacimpac churi Coniaspac randimi mandarca.

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

JEREMÍAS 37:3

Jatun mandac Sedequías Selemiaspac churi Jucalta, Maasiaspac churi Sofonías curata Dios ima nishcata huillac Jeremiaspacman cachashpaca: «Ñucanchicmanta ñucanchicta Mandac Diosta mañaiyari» nichunmi cacharca.

JEREMÍAS 37:7

«Israelcunata Mandac Dios ñucaca cancunata ñucaman tapuchun cachac Judá llactata jatun mandactaca: “Cancunata ayudangapac shamuc Faraonpac soldadocunaca Egiptollamantac cuti rigrinmi.

JEREMÍAS 38:1

Matanpac churi Sefatiaspish, Pasurpac churi Gedaliaspish, Selemiaspac churi Jucalpish, Malquiaspac churi Pasurca Jeremías tucui gentecunaman huillacuctami uyarca. Jeremías huillashpaca:

JEREMÍAS 38:14

Jutcumanta llucchishca quipami jatun mandac Sedequiasca Dios ima nishcata huillac Jeremiasta paipac ñaupaman pushamuchun cacharca. Paica Mandac Diospac huasiman yaicuna ishcaipac cati pungu ladopimi tiyacurca. Chaipimi jatun mandacca Jeremiastaca: —Caitami tapusha nini. Ama imata pacashpa tucui huillangui— nirca.

JEREMÍAS 52:24

Cuidac soldadocunata mandacca curacunata mandac Seraías curatapish, paipac quipa Sofonías curatapish, Diospac huasi pungupi cuidac quimsa soldadocunatapish quimsatatacmi prezurca.