JEREMÍAS 20:5 - Dios Rimashcata Quillcashcami

⁵ Shinallatac cai llactapi causaccuna trabajashpa tucui imata charishcatapish, ima sumaccunatapish, Judá llactata jatun mandaccunapac ima valishcacunatapish, tucui charishcacunatapishmi paicunata piñaccunaman cusha. Chashna cucpimi, paicunaca Babilonia llactaman apanga.

JEREMÍAS 20:5 Iomraidhean Croise

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

ISAÍAS 39:6

“Riqui, cambac huasipi tucui ima tiyashcacunatapish, cambac ñaupa taitacuna cancunaman tucui ima huacaichishcacunatapish Babilonia llactaman apana punzhacunami chayamucun. Imata mana saquishpami apanga.

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

JEREMÍAS 15:13

Cancunapac juchacunamantami cancunapac llactapi ima tiyashcacunatapish, sumac charinacunatapish shuhuaccunaman yanga cushpa cusha.

JEREMÍAS 17:3

jahua urcu pambacunapi tiyac altarcunatami yuyarin. Chashna juchata ruhuashcamantami cancunapac ima charishcacunatapish, ima sumaccunatapish shuhuaccuna apachun saquisha.

JEREMÍAS 3:24

Huambramanta pachami ñucanchic taitacuna sinchita trabajashpa charishcatapish, chingachishpa causashcanchic. Chashnami paicunapac ovejacunapish, huagracunapish, churicunapish, ushicunapish tucurishca.

JEREMÍAS 32:24

Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.

JEREMÍAS 39:2

Jatun mandac Sedequías chunga shuc huata, chuscu quilla, iscun punzhata mandacucpimi, Jerusalén muyundi jatun pircata tigrachishpa,

JEREMÍAS 39:8

Caldeo soldadocunaca mandana huasitapish, Jerusalén huasicunatapish rupachircami. Muyundi jatun pircacunatapish urmachircami.

JEREMÍAS 4:20

Yalli llaquicuna shamucushcataca catintami huillan. Tucui llactacunami tucuchishca. ¡Cungaillami ñuca carpa huasicunatapish, cortinatapish lliquishpami tucuchincuna!

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 1:7

Jerusalenpi causaccunata prezu apacucpi mana ayudarcachu. Chaimantami ñaupa punzhacunapi sumacta causacushcata yuyarishpa, llaquilla tucuncuna. Chaita paicunata piñaccuna ricushpaca asircacunami.

LAMENTACIONES 4:12

Cai pacha jatun mandaccunapish, cai pachapi causaccunapish Jerusalén pungucunata piñaccuna yaicunata mana yuyarcacunachu.

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.