JEREMÍAS 20:4 - Dios Rimashcata Quillcashcami

⁴ Mandac Diosca: “Riqui, cantapish, canhuan tucui apanacuccunatapish jatun mancharinatami ruhuagrini. Paicunata piñaccunami espadahuan huañuchinga. Chaitaca cambac ñahuihuanmi ricungui. Judá llactapi causaccunataca Babilonia llactata jatun mandacpac maquipimi churagrini. Paimi Babilonia llactaman prezu apashpa, espadahuan huañuchinga.

JEREMÍAS 20:4 Iomraidhean Croise

2 REYES 25:7

Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

SALMOS 73:19

¡Cungaillami llaquica japinga! Yallita mancharishpami tucuringacuna.

JEREMÍAS 13:10

Cai millai gentecunaca ñuca yachachishcata mana uyasha nincunachu. Paicunapac shungu munashcata ruhuashpami, shuctac dioscunata servishpa, paicunapac ñaupapi cungurishpa catin. Chaimantami chai ismushca chumbi shina, imapacpish mana vali tucunga.

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 20:6

Can Pasurpish, cambac huasipi tucui causaccunapish Babilonia llactamanmi prezu ringuichic. Chaipimi canpish, can llullashpa huillashcata uyac, canhuan apanacuccunapish huañunguichic. Chaillapitacmi enterrashca canguichic” ninmi ningui» nirca.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 29:21

Israelcunapac tucuita Mandac Diosca llullashpa, ñuca shutipi huillac Coliaspac churi Acabmanta, Maasiaspac churi Sedequismanta rimashpaca: Babilonia llactata jatun mandac Nabucodonosorpac maquipimi churani. Paicunataca cancunapac ñaupallapitacmi huañuchinga.

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 52:24

Cuidac soldadocunata mandacca curacunata mandac Seraías curatapish, paipac quipa Sofonías curatapish, Diospac huasi pungupi cuidac quimsa soldadocunatapish quimsatatacmi prezurca.

JEREMÍAS 52:27

Hamat llactapi tiyac Ribla llactaman chayachicpimi, Babilonia llactata jatun mandacca espadahuan huañuchichirca. Chashnami tucui Judá gentecunaca paicunapac llactamanta prezu rircacuna.

JEREMÍAS 6:25

Paicunaca espadahuanmi chapacun. Tucui llactapimi manchai tiyan. Chaimanta pambamanpish, ñanmanpish ama llucshinguichicchu” nirca.

1 SAMUEL 2:33

Cambac ñahui amsayashpa, shungupi yallita llaquirichunmi, ñuca altarpi rupachishpa causac cambac huasi ucupuramanta maijanta saquisha. Tucui cambac huasipi causaccunaca cunan huiñai runacunami huañunga.