JEREMÍAS 20:16 - Dios Rimashcata Quillcashcami

¹⁶ Chai runaca Mandac Dios mana llaquishpa tucuchishca llacta shina cachun. Chai llactapica tutamantaca llaquihuan caparishca uyarichun. Chaupi punzhaca macanacuipi caparishca uyarichun.

JEREMÍAS 20:16 Iomraidhean Croise

JEREMÍAS 18:22

Cungailla soldadocuna chayashpa paicunata llaquichicpi, huasipi yallita caparinacui uyarichun. Paicunaca ñuca urmachunmi jutcuta ruhuashca. Ñuca purinapica mitcarina tucllatami churashca.

JEREMÍAS 18:8

Shina cacpipish, chai gentecuna mana allita ruhuanata saquishpa, ñucapacman cutiricpica, paicunata llaquichinata yuyarishcataca saquishami.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 26:13

Chaimanta cunanca mana allita ruhuashpa causashcamanta allichirishpa, Mandac Dios rimashcata cazuichic. Shina ruhuacpimi, Mandac Diosca cancunata llaquichinata saquinga.

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

EZEQUIEL 21:22

Chashna tapucpica, jatun mandacca paipac alli lado maquihuanmi Jerusalén ladota ricuchirca. Chaica macanacuchun, huañui tiyachun, caparinacuchun, pungu ladocunapi ariete nishcata shayachichun, macanacuna pushtucunata ruhuachun, muyundi torrecunata shayachichunmi ricuchirca.

OSEAS 10:14

Chaimantami cancunapac llactacunapica yallita caparinacui tiyanga. Tucui jatun torrecunami urmanga. Bet-arbel llactapi causaccunahuan macanacui punzhapi, jatun mandac Salmán mamacunatapish, paipac huahuacunatapish ñutuchishpa tucuchishca shinami tucuchinga.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

OSEAS 13:14

Paicunataca, ¿Seolman rinamanta anchuchishachu? ¿Huañuimanta quishpichishachu? Ñuca anchuchingapacca, ¿maipitac huañuica? Ñuca canta tucuchingapac, ¿maipitac Seolca? Cai runacunataca mana llaquinichu.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

AMÓS 2:2

Chaimantami Moab llactapica ninata japichisha. Chai ninami Queriot llactata mandashpa tiyana huasicunatapish tucui rupachinga. Chashnami Moab llactapi causaccunaca cornetata tocacpica, caparinacushpa tucui huañunga.

AMÓS 4:11

Sodomata, Gomorrata llaquichishca shina, yallita llaquichicpi, cancuna mana tucui rupashca caspi shina cashpapish, mana ñucapacman cutirircanguichicchu. Chaitaca Mandac Dios ñucami nini.

JONÁS 3:4

Jonasca llactata shuc punzhata purishpami: «¡Cunanmanta chuscu chunga punzhapica Nínive llactaca tucuringami!» nirca.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

SOFONÍAS 1:16

Chai punzhaca trompetapi tocashpami llacta muyundi jatun pirca jahuamantapish, jatun torre jahuamantapish caparinga.

SOFONÍAS 2:9

Tucuita Mandac Dios ñuca shutipimi nini: Moabitacunaca Sodoma shina, amonitacunaca Gomorra shinami tucunga. Chaipica chinicuna jundashca pamba, cachita llucchina pushtu tucushpami, huiñaita shitashca canga. Ñuca acllashcapuramanta maijan saquirishcacunami paicuna ima charishcacunataca apanga. Paicunallatacmi allpacunataca japinga ninmi.

SAN LUCAS 17:29

Lot Sodoma pueblomanta llucshi punzhapica, jahua pachamanta nina, azufre tamyashpa, tucui tucuchirca.

DEUTERONOMIO 29:22

Cancunapac churicunapish, huahua huahuacunapish, caru llacta runacunapish Mandac Dios cai llactaman jatun plagacunata, jatun ungüicunata cachashcata ricushpaca:

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.

2 PEDRO 2:6

Chashnallatacmi Sodoma pueblopi, Gomorra pueblopi causac millai gentecunataca uchupayangacaman rupachirca. Chashna ruhuashpaca, quipaman causac millai gentecuna chashnallatac tucuna cashcata ricuchingapacmi, chashnaca ruhuarca.

SAN JUDAS 1:7

Chashnallatacmi Sodoma pueblopi, Gomorra pueblopi shinallatac chai cuchulla pueblocunapi causaccunapish huacllirishpa, caricunapura, huarmicunapura chayarinacushpa, millaillapi causarcacuna. Chaimantami huiñaita rupacuc ninapi llaquita aparcacuna. Cunan punzha causaccuna ricushpa yuyarichunmi, chashnaca tucurca.