JEREMÍAS 20:12 - Dios Rimashcata Quillcashcami

¹² Tucuita Mandac Dioslla, cashcata ruhuaccunataca ricuracunguimi. Yuyaitapish, shungutapish tucuitami ricungui. Ñucata llaquichiccunataca cambac maquipimi churani. Ñucata llaquichishcamantaca paicunatapish ñuca ricucucpi llaquichiyari.

JEREMÍAS 20:12 Iomraidhean Croise

2 CRÓNICAS 24:22

Jatun mandac Joasca Zacariaspac taita Joiada cura paiman allita ruhuashcata mana yuyarishpami, paipac churitaca huañuchirca. Zacarías ña huañugricushpaca: «Chashna ruhuashcamantaca Mandac Diosllatac ricushpa llaquichichun» nirca.

SALMOS 11:5

Mandac Diosca cashcata ruhuac runatapish, millaita ruhuac runatapish ricucunmi. Millaita ruhuanata munaccunataca tucui shunguhuanmi piñan.

SALMOS 139:23

Mandac Dioslla, ñucatapish, ñuca shungutapish tucuita ricuiyari. Ñuca yuyaicuna ima shina cashcata callarishpa ricuiyari.

SALMOS 17:3

Canca ñuca shungutaca tucuitami ricushcangui. Tutapish ricungapac shamushcanguimi. Ñuca alli cacta, mana alli cacta taripashpapish, ima mana allitaca mana tarishcanguichu. Ñuca shimihuan cambac contra mana rimangapacmi yuyarircani.

SALMOS 54:7

Can llaquimanta quishpichishcamantami chashna alabasha. Ñucata piñaccunata can llaquichicuctaca ñuca ñahuihuantacmi ricuni.

SALMOS 58:10

Cashcata ruhuaccunaca millaicunata Dios llaquichicpica cushicungami. Diosta mana manchaccunapac yahuarhuanmi chaquita jahuangacuna.

SALMOS 59:10

Ñucata llaquic Dioslla, ñucata piñaccunata ñuca yuyashca shinata ruhuashpa ricuchingapacmi ñaupashpa ringui.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

SALMOS 86:4

Jatun Dioslla, punzhantami canta mañacunilla. Canta servic ñucata cushichiyari.

ISAÍAS 37:14

Ezequías jatun mandac cachashca quillcata paicunapac maquimanta japishpa rezashpaca, Mandac Diospac huasimanmi huichai rirca. Chaipimi chai quillcataca Mandac Diospac ñaupapi pascarca.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

JEREMÍAS 11:20

Shina cacpimi ñucaca: «Tucuita Mandac Dioslla, canca cashcata ruhuacmi cangui. Tucui gentecunapac yuyaitapish, shungupi yuyacushcatapish allita ricucmi cangui. Ñucata llaquichinata yuyariccunataca cambac maquipi churarcani. Can paicunata llaquichicucta ricunatami munani» nircani.

JEREMÍAS 12:8

Ñuca acllashcacunaca sachapi causac león shinami piñarirca. Ñucata llaquichishpa caparishcamantami, paicunataca millanayachircani.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 17:18

Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

1 SAMUEL 1:15

Shina nicpimi Anaca: —Ñuca amito, mana machashcachu cani. Vinotapish, machana yacutapish mana ubiarcanichu. Ashtahuanpish ñuca shungupimi, achca llaquihuan cani. Chaimantami ñuca tucui almahuan Mandac Diosta mañacuni.