JEREMÍAS 20:10 - Dios Rimashcata Quillcashcami

¹⁰ Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 20:10 Iomraidhean Croise

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

JOB 19:19

Ñucahuan yallita apanacuccunapish piñarcami. Ñuca cuyashca gentecunapish llaquichircami.

SALMOS 31:13

Huashalla parlanacushcatami taucata uyani. Maipipish manchaihuanmi purini. Ñuca causaita tucuchingapacmi pacalla tandanacushpa parlanacuncuna.

SALMOS 31:14

Shina cacpipish, Mandac Dioslla, canpi shunguta churashpami: «Canmi ñuca Dios cangui» nircani.

SALMOS 41:10

Shina cacpipish, Mandac Dioslla, ñucata llaquiyari. Paicuna ruhuashca shinallatac cutichingapac jatarichiyari.

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

ISAÍAS 29:21

shuccunata juchallichiccunapish, llacta pungupi cancunata rimaccunata urmachingapac tucllata churaccunapish, cashcata ruhuac runata yanga juchanchishpa, llaquichiccunapish tucuringami.

JEREMÍAS 1:19

Canhuan macanacushpapish cantaca manatac mishangachu. Canta quishpichingapacca ñucami canhuanca casha. Chaitaca Mandac Dios ñucami nini» nirca.

JEREMÍAS 11:19

Ñucaca, ñucata huañuchinata yuyaricushcata mana yachashpami, huañuchina ucuman ric llaquilla oveja shina carcani. Piñaccuna: «Paipac shutita pipish ama ashtahuan yuyarichun, yurataca pucushca granondi pitishpa, cai pachapi causaccunapuramanta tucuchishunchic» ninacushcami carca.

JEREMÍAS 11:21

Anatot runacunaca: «Ñucanchic maquipi mana huañungapacca, Mandac Diospac shutipi ama ashtahuan huillaichu» nircami.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 20:3

Chai cayandi punzhami Pasurca Jeremiastaca chaquita canichina jutcucunamanta llucchirca. Chashna llucchicpimi Jeremiasca: «Mandac Diosca cantaca mana Pasur ninchu. Ashtahuanpish Magor-misabibtami shutichishca.

JEREMÍAS 37:13

Jeremías Benjamín pungu nishcaman chayacpica, soldadocunata mandac Iriasmi cuidacurca. Paica Selemiaspac churi Hananiaspac nietomi carca. Paimi Dios ima nishcata huillac Jeremiastaca: «¡Canca, caldeocunapacmanmi ricungui!» nishpa prezurca.

JEREMÍAS 6:25

Paicunaca espadahuanmi chapacun. Tucui llactapimi manchai tiyan. Chaimanta pambamanpish, ñanmanpish ama llucshinguichicchu” nirca.

EZEQUIEL 22:9

Maijancunaca yanga juchanchishpami huañuchincuna. Lomacunapi tiyac altar ladopi micushpami, millaita ruhuancuna.

DANIEL 6:4

Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

SAN LUCAS 20:20

Chaimantami ima mana allita nicpica, juchanchishpa llactata mandacman japichingapac, shuc cashcata ruhuac runacunata tapuchun cacharca.

HECHOS 24:13

Shinallatac pi mana “chaica chashnatacmi” ningachu.

HECHOS 5:33

Shina nicta uyashpami, chai mandaccunaca piñarishpa, huañuchinata munarcacuna.

HECHOS 7:54

Esteban chashna nicpimi, chai mandaccunaca quirucuna canirishpa, yallita piñarirca.