JEREMÍAS 2:5 - Dios Rimashcata Quillcashcami

⁵ Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

JEREMÍAS 2:5 Iomraidhean Croise

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

SALMOS 115:8

Chaicunata ruhuaccunaca chai yanga dioscuna shinami. Chai dioscunapi shunguta churaccunapish, chaicuna shinallatacmi.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

ISAÍAS 44:9

Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

ISAÍAS 46:12

Cashcata ruhuanata mana munac, sinchi shungucuna uyaichicyari.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

JEREMÍAS 12:2

Can tarpucpica, sapiyashpa huiñashpami, granota pucurca. Paicunaca shimillahuanmi cantaca alli nincuna. Ashtahuanpish shunguca canmanta carupimi.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 2:4

¡Jacobopac huahuacunapura tucui israelcuna Mandac Dios rimashcata uyaichic!

JEREMÍAS 8:19

¡Ñuca llactapi causaccuna caparishcaca caru llactacamanmi uyarin! Mandac Diosca: «¿Manachu Sionpi? Sionta jatun mandacca, ¿manachu chaipi?» nirca. Chaimantami Mandac Diosca: «¿Ima nishpatac imamanpish riccha dioscunata, shuctac llacta yanga dioscunata adorashpa, ñucata piñachircanguichic?» nirca

EZEQUIEL 11:15

«Huañunalla runa, cambac quiquin huauquicuna, israelcunata, Jerusalenpi causaccunata rimashpaca: “¡Mandac Diosmanta caruyaichic! ¡Ñucanchicmanmi cai llactataca curca!” ninmi.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

JONÁS 2:8

Ruhuashcalla dioscunata caticcunaca can llaquic cashcata cungarincunami.

SAN MATEO 15:8

“Cai gentecunaca shimillahuanmi ñucataca alli nincuna. Ashtahuanpish shunguca, ñucamanta carupimi.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

1 SAMUEL 12:21

Yanga dioscunata ama catichicchu. Paicunaca yanga cashcamanta imapac mana servinchu. Mana quishpichinchu.