JEREMÍAS 2:34 - Dios Rimashcata Quillcashcami

³⁴ Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 2:34 Iomraidhean Croise

2 REYES 21:16

Judá gentecunata juchata ruhuachishca jahuami Manasesca mana faltayuc gentecunata huañuchishpa, Jerusalenpica caishuc ladomanta chaishuc ladocaman yahuarta yallita jicharca.

2 REYES 24:4

Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.

ÉXODO 22:1

Maijanpish huagrata, ovejata shuhuashpa huañuchic, mana cashpaca catucca shuc huagramantaca pichca huagratami cutichina can. Cutin shuc ovejamantaca chuscu ovejatami cutichina can.

ÉXODO 22:2

Maijan huasipi shuhuacucta japishpa, huañuchishpaca, mana juchanchishcachu canga.

ISAÍAS 57:5

Cancunaca jatun yuracuna ucupi millana juchacunata ruhuanguichic. Yanga dioscunaman huahuacunata cushpami rupachinguichic. Pambacunapi, jatun rumi ladopimi ruhuashcalla dioscunaman huahuacunata cushpa huañuchinguichic.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 2:33

¡Cuyacta mashcanataca allitami yachangui! Mana allita ruhuac huarmicunapish canta ricushpami yachacurca.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 4:14

Ñahui mana ricuc shinami, ñancunata purirca. Paicunapac churanapish yahuarpi cahuirishcami carca.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

EZEQUIEL 23:45

Cashcata ruhuac gentecunami huarmicunatapish, huañuchic huarmicunatapish mandashcapi nishca shina taripashpa llaquichinga. Paicunaca huainayaccuna, shinallatac huañuchic huarmicunami.

EZEQUIEL 24:7

Cai llactaca yahuarpi cahuirishcami. Chai yahuarta allpa tapachunpish mana allpapi tallircachu, ashtahuanpish llambuclla rumi jahuapimi tallishca.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.