JEREMÍAS 2:33 - Dios Rimashcata Quillcashcami

³³ ¡Cuyacta mashcanataca allitami yachangui! Mana allita ruhuac huarmicunapish canta ricushpami yachacurca.

JEREMÍAS 2:33 Iomraidhean Croise

2 CRÓNICAS 33:9

Ashtahuanpish Manasesca Judá llactapi, Jerusalenpi causaccunataca israelcunapac ñaupamanta Mandac Dios tucuchishpa cachashca gentecunatapish yalli ashtahuan mana allita ruhuachishpami yallita pandachirca.

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 2:36

¿Ima nishpatac ñanpi caiman chaiman callpacunguiyari? Asiria llactata jatun mandac pingaichishca shinallatacmi Egipto llactata jatun mandacpish cantaca pingaichinga.

EZEQUIEL 16:27

Chaimantami cantaca maquita alzashpa llaquichishpa, cambac micunatapish quichurcani. Canta piñac filisteocunapac maquipimi churarcani. Paicunaca can millaita ruhuashpa causashcata ricushpaca pingarcami.

EZEQUIEL 16:47

Canca paicuna shinami, millaita ruhuarcangui. Chai ruhuashcacuna ashalla cacpimi, ashtahuan millaita ruhuashpa causarcangui.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.