JEREMÍAS 2:21 - Dios Rimashcata Quillcashcami

²¹ Ñucaca cantaca alli acllashca uvas muyuta shinami tarpurcani. ¿Ima nishpatac sacha uvas shina tucurcangui?

JEREMÍAS 2:21 Iomraidhean Croise

GÉNESIS 18:19

Abraham tucui paipac causaipi huahuacunamanpish, huahuapac huahuacunamanpish ñuca yachachishcata yachachigricucta, imapish alli cashcallata ruhuanata yachachigricuctami yachani. Shina cacpica, ñuca imallata Abrahamman cusha nishcataca pactachishcami canga» nishpa yuyarca.

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

SALMOS 105:6

Diosta servic Abrahampac huahua huahuacuna. Pai acllashca Jacobopac huahua huahuacuna paita yuyarichicyari.

SALMOS 44:2

Canca ñucanchic taitacuna chai llactapi allita causachunmi cambac maquihuan chai llactapi causaccunataca llaquichishpa llucchishpa cacharcangui.

SALMOS 80:8

Chai llactapi causac runacunata llucchishpa cachashpami, Egiptomanta uvas yuracunata apamushpa tarpurcangui.

SALMOS 80:9

Chai yuracunata tarpungapacmi allpata picharcangui. Chaipimi chai yuracunaca sapiyashpa llacta junda tucurca.

ÉXODO 15:17

Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

ISAÍAS 27:2

Mandac Diosca: «¡Chai punzhapica sumaimana vinota ruhuana chagrata cantanguichicmi!

ISAÍAS 41:8

Israelcunalla, cancunaca ñucata serviccunami canguichic. Jacobopac huahua huahuacunalla, ñuca acllashcacunami canguichic. Cancunaca ñucahuan apanacuc Abrahampac huahua huahuacunami canguichic.

ISAÍAS 5:4

Ñuca uvas chagrapica, ¿imatatac ashtahuan ruhuana carcani? ¿Imatatac mana ruhuashpa saquircani? Ñucaca alli uvasmi pucunga yuyashpami shuyacurcani. ¿Ima nishpatac sacha uvasrac pucurcayari?

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

JEREMÍAS 11:16

Ñucaca: Sumacta pucuc, alaja ricuric olivos yurami cangui nicmi carcani. Shina cacpipish, ninata churashpa, pangacunata culun nichishpa rupachicpica, ramacunaca paquirircami.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 5:10

Pircacunata huichicushpa uvas chagrata polvoichic. Shina polvoshpapish ama tucuchichicchu. Chai ramacunata tucui anchuchichic. Chaica mana ñucapacchu.

LAMENTACIONES 4:1

¡Curipish ima shinami yanayashca! ¡Sumac curipish ima shinami mapayashca! Diospac huasi rumicunapish, calle esquinacunapimi shic-huashca siricun.

EZEQUIEL 15:2

«Huañunalla runa, ¿uvas ramaca shuctac ramata yallichu?

SAN MATEO 21:33

Jesusca: «Cai yuyaita japina parlota uyaichic. Chaica, shuc runami paipac allpapi uvasta tarpurca. Chai quipaca chagra muyundi pircatapish, chagrata chapana torretapish, uvasta cutanatapish ruhuarcami. Shina ruhuashpami uvas pucucpi, chaupinacungapac shuc runacunaman saquishpa, caru llactaman rirca.

MARCOS 12:1

Jesús chimbapurashca parlocunahuan yachachishpaca: «Shuc runami uvas chagrata tarpushpa, muyundita pircarca. Chai chagrallapitacmi uvasta cutanatapish, chagrata cuidana torretapish ruhuarca. Chai quipaca shuc trabajac runamanmi partir cushpa caru llactaman rirca.

SAN LUCAS 20:9

Jesús tucui chaipi cac gentecunaman yuyaita japina parlohuan parlashpaca: «Shuc runami uvas chagrata ruhuashpa, maijan runacunaman partir cushpa unaipi cutimungapac caru llactaman rirca.

SAN JUAN 15:1

Jesusca: —Ñucaca alli pucuc uvas yurami cani. Ñuca Taitaca uvas chagrata tarpucmi.

DEUTERONOMIO 32:32

Paicunapac uvas chagra shinaca Sodomami. Pambacunaca Gomorra shinami. Uvas caspacunapish jayacmi, shinallatac uvasca venenomi.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

JOSUÉ 24:31

Israelcunaca Josué causacuc tucui huatacunami Mandac Diosta servishpa causarca. Shinallatac Josué huañushca quipapish israelcunata pushac yuyaccunapac tucui causaipimi Diosta servishpa causarca. Israelcunaca Mandac Dios tucui paicunaman imata ruhuashcatami yacharca.