JEREMÍAS 2:13 - Dios Rimashcata Quillcashcami

¹³ Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:13 Iomraidhean Croise

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

SALMOS 36:9

Canllami causaita cuc yacutaca charingui. Can achicyachicpimi achicta ricui pudinchic.

ECLESIASTÉS 1:14

Cai pachapi causaccuna imata ruhuashcataca tucuimi ricurcani. Riqui chaicunaca yangallami. Chaicunaca huairata caticuc shinallami.

ECLESIASTÉS 1:2

«Tucui imapish yangallami. Ima cashpapish tucuimi yangallata» nirca.

ECLESIASTÉS 12:8

Huillac runaca: «Imapish yangallami cashca. Tucui imapish yangallatami» nirca.

ECLESIASTÉS 2:11

Chashna cushicushca quipami achca shaicuihuan ñuca maqui imallata ruhuashcacuna imapac cashcata alli yuyarircani. Chashna yuyarishpami tucui chaicunaca yangalla cashcata, shinallatac huairata caticushca shina cashcata yacharcani. Chashna cashcamantaca inti achicyachicuc cai pachapica imapish yangallami.

ECLESIASTÉS 2:21

Chaica shuc alli yuyaihuan allita ricushpa, alli yachaihuan ruhuashcataca manapish imata trabajac runami japin. Chaica yangallami, shinallatac jatun mana allimi.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

ISAÍAS 12:3

Cancunaca cushicushpami, quishpichic yacu jundumantaca yacuta llucchinguichic.

ISAÍAS 5:13

Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

ISAÍAS 63:8

Paica: «Paicunaca ñuca acllashca, mana llullac ñuca huahuacunami» nishpami, paicunataca quishpichirca.

JEREMÍAS 1:16

Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 18:14

Líbano urcu jahuamantaca, ¿rasu anchuringachu? ¿Caru llactamanta shamuc yacuca chaquingachu?

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

JEREMÍAS 5:26

Ñuca acllashcapurapica millai gentecunami tucllata churac shina, llaquichiccuna tiyan. Runacunata japingapacca tucuilaya tucllatami churan.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

EZEQUIEL 47:1

Chaimantaca chai runaca Diospac huasi pungumanmi cutichimurca. Chaipica chai huasi pungu umbral ucumanta yacu llucshishpa, inti llucshina ladota ricuctami ricurcani. Diospac huasica inti llucshina ladomanmi carca. Chai yacuca Diospac huasi alli lado ucuta llucshishpami, altar ura ladota ricurca.

MIQUEAS 2:8

Cancunaca ñuca acllashca gentecunatami piñai callarishcanguichic. Macanacuimanta cutishpa pasacuc soldadocunamantami jahualla churanata quichurcanguichic.

MIQUEAS 6:3

Ñuca acllashcacunalla, ¿cancunataca imatatac ruhuarcani? Mana cashpaca, ¿imata ruhuashpatac piñachircani? ¡Imata cashpapish huillaichiclla!

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:11

Shina nicpimi, chai huarmica: —Amito, yacu jundupish ucumi. Imahuan llucchinatapish mana charinguichu. ¿Ima shinatac causaita cuc yacutaca cunguiyari?

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

2 PEDRO 2:17

Chai pandata yachachiccunaca yacu illac jundu, shinallatac puyuta huaira apashca shinacunami. Shina cashpami, paicunaca huiñaicaman jatun amsapi shitashca cangapac cancuna.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

JUECES 10:13

Shina cacpipish cancunaca ñucata saquishpami, shuctac dioscunata servinguichic. Chaimantami cutinca mana quishpichisha.

1 SAMUEL 12:10

Chaimantami paicunaca Mandac Diostaca: “Mandac Diosta saquishpa Baal, Astarte yangalla dioscunata servishpami juchallishcanchic. Cunanca ñucanchicta piñaccunapac maquimanta quishpichiyari. Canllatacmi servishpa causashun ninchic” nishpa caparishpa mañarca.