JEREMÍAS 2:11 - Dios Rimashcata Quillcashcami

¹¹ ¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

JEREMÍAS 2:11 Iomraidhean Croise

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

2 REYES 1:3

Chaimantami Mandac Diospac ángel tisbitapuramanta Eliastaca: «Samaria pueblota jatun mandacpac huillaccunata tupangapac huichai ri. Paicunataca: “Ecrón pueblo Baal-zebub diosman tapungapac richunca Israel llactapica, ¿manachu Dios tiyan?” ningui.

2 CRÓNICAS 13:9

¿Manachu Mandac Diospac curacunata, Aaronpac huahua huahuacunata, levitacunataca cancuna llucchishpa cacharcanguichic? Chashna llucchishpa cachashpami, curacuna cachunca, shuc llactapi causac gentecuna shinallatac pitapish churarcanguichic. Shuc becita, canchis cari ovejata cushpaca, mana dioscunapac cura tucungapac shamuchunmi, chashnaca ruhuarcanguichic.

SALMOS 106:20

Chashnami paicunapac sumac Diosta yuyarinapac randica, quihuata micuc huagraman ricchata yuyarircacuna.

SALMOS 115:4

Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

JEREMÍAS 16:20

¿Runaca paipac dioscunataca ruhuai pudinchu? Ashtahuanpish chaicunaca mana dioscunachu» ningami.

JEREMÍAS 18:13

Chaimantami Mandac Diosca: «Carihuan manarac chayarishca soltera shina israelcuna ruhuashcata shinata, shuctac llactapi causaccuna ruhuashcata tapuichicyari.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

JEREMÍAS 2:8

Curacunaca: “¿Mandac Diosca maipitacyari?” mana nircachu. Ñuca mandashcata ricuccunapish mana ricsircachu. Michiccunapish ñucataca piñarcami. Ñucamanta huillaccunapish Baal diospac shutipimi huillarca. Chashnami imatapish mana ayudac dioscunatarac catirca.

JEREMÍAS 5:7

Mandac Diosca: «Paicunapac huahuacunapish ñucata saquishpami yanga diospac shutipi ari nirca. Paicunaman mana nicta caracucpipish ñucata saquircami. Tandanacushpami cullquimanta huainayac huarmipac huasiman rirca. Chai juchacunamantaca, ¿ima shinatac mana llaquichishayari?

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

EZEQUIEL 5:7

Chaimantami Mandac Dios ñucaca: «Cancunapac muyundi llactacunapi causaccunamanta yalli mana allita ruhuashpami, ñuca mandashcacunata mana cazurcanguichic. Ñuca ruhuachun nishcacunata mana pactachircanguichicchu. Cancunapac muyundi llactacunapi causaccunapac mandashcacunatapish mana cazurcanguichicchu.

MIQUEAS 4:5

Tucui llactacuna ruhuashcalla dioscunata caticucpipish, ñucanchicca Mandac Diostami huiñaita cazushpa purishun.

ROMANOS 1:23

Huiñaita causac, sumaimana Diosta alli nina shinaca, tucuriclla runaman, volac animalman, aisarishpa puric animalman, chuscu chaquiyuc animalman riccha dioscunatami adorarca.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

GÁLATAS 4:8

Cancunaca Diosta ñaupaman mana ricsishcamantami, manapish dioscunata cazushpa serviccuna carcanguichic.

DEUTERONOMIO 32:16

Shuctac dioscunata adorashpami, millaita ruhuashpa yallita piñachirca.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

DEUTERONOMIO 33:29

¡Israelcunalla, cushicuichicyari! ¿Cancuna shina, Mandac Dios quishpichishca gentecunaca pi shuctac tiyangachu? ¿Pitac canta escudo shina pacacca tiyangayari? Cancunata piñaccunataca paipac espadahuanmi cumurichinga. Shinami cancunaca, cancunata piñaccunapac cungapi sarunguichic» nirca.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,

1 SAMUEL 4:21

Paica: «Sumac achiclla Diosca israelcunamanta anchurishcami» nishpami chai huahuataca Icabodta shutichirca. Diospac Arcata quichushcamanta suegropish, paipac cusapish huañushcamantami chashnaca shutichirca.