JEREMÍAS 19:11 - Dios Rimashcata Quillcashcami

¹¹ Shinallatac paicunataca: “Tucuita Mandac Diosca: Caipi causaccunatapish, cai llactatapish ñutuchigrinimi. Puñuta maijan paquicpi, cutin mana allichipactami saquigrini. Huañushcacunatapish maipi enterrana mana tiyacpimi, chai Tofet pamballapitac enterranga.

JEREMÍAS 19:11 Iomraidhean Croise

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

PROVERBIOS 6:15

Chaimantami cungailla jatun llaquica japinga. Shuc ñahui quimllaillapimi chingaringa. Paica imata mana ruhuai pudingachu.

ISAÍAS 30:14

Cancunaca allpa plato paquiric shinami ñuturinguichic. Chashna paquirishpaca nina bradasta llucchingapacllapish, mana cashpaca yacuta jundumanta llucchingapacllapish mana puchungachu» ninmi.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 19:12

Ñucaca cai llactatapish, caipi causaccunatapish Tofet pambata shina ruhuashpami llaquichisha.

JEREMÍAS 19:6

Cai pugrutaca ña mana Tofet pugru pamba nishpa, shinallatac mana Ben-hinompac churipac pugru pamba nishpa cayangachu. Ashtahuanpish huañuchina pamba ningacunami. Chashna nina punzhacunami chayamunga.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

JEREMÍAS 48:38

Ñucami Moabpi causaccunataca yalli maucayashca puñuta ñutuchic shina llaquichisha. Shina ruhuacpica, huasi jahuacunapipish, callecunapipish caparishpami huacanga.

JEREMÍAS 51:63

Cai quillcashcata tucui rezashpaca, chai quillcapi shuc rumita huatashpa Eufratespi shitangui.

LAMENTACIONES 4:2

Sionpi causac runacunaca curitapish yalli sumacmi carca. Shina cashpapish, ¡cunanca allpa mangata ruhuacpac callana shinami tucushca!

HECHOS 21:11

Pai ñucanchicpacman cuchuyashpa, Pablopac chumbillinata japishpa, paipac chaqui maquillata huatarishpaca: —Diospac Espirituca: “Cai chumbiyuctaca Jerusalén pueblo israelcunami huatashpa, mana israelcunaman cunga” ninmi— nirca.

APOCALIPSIS 2:27

Ima shinami ñuca Taita ñucaman mandanata curca, shinallatacmi paicunamanpish cusha. Shina cucpica fierro varahuan mandashpami, allpa mangata shina ñutuchinga.