JEREMÍAS 18:9 - Dios Rimashcata Quillcashcami

⁹ Cungaillami uchilla llactacunatapish, jatun llactacunatapish tarpuc shina shayachinata huillasha.

JEREMÍAS 18:9 Iomraidhean Croise

ECLESIASTÉS 3:2

Huacharingapacpish, huañungapacpish punzha tiyanmi. Tarpungapacpish, chai tarpushcata pilangapacpish punzha tiyanmi.

JEREMÍAS 1:10

Cunan punzhamanta pachami cantaca llactapi causaccunatapish, jatun mandaccunatapish, sapimanta llucchic shina tucui chingachichun, urmachishpa ñutuchichun, shinallatac cutin shayachishpa, tarpuc shina allichichun churani» nirca.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 30:18

Mandac Diosca: «Riquichic, Jacobopac huahua huahuacunataca prezumanta cutin llucchimushpami, paicunapac carpa huasicunataca allichisha. Paicuna causana llactaca tucurishca llacta jahuallapitacmi shayachishca canga. Mandashpa tiyana huasipish utcaman maipi cashcallapitacmi shayachishca canga.

JEREMÍAS 31:28

Ima shinami paicunata sapimanta pilac shina anchuchinata, urmachinata, llaquichinata, tucui chingachinata munarcani. Chashnallatacmi allichishpa shayachinata, tarpuc shina cutin callarichinata munani.

JEREMÍAS 31:38

Jerusalentaca ñucapaclla cachun, Hananeel torremanta, esquinapi tiyac pungucaman allichina punzhacunami shamugrin.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.