JEREMÍAS 18:21 - Dios Rimashcata Quillcashcami

²¹ Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

JEREMÍAS 18:21 Iomraidhean Croise

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

SALMOS 63:10

Paicunataca espadahuanmi huañuchingacuna. Paicunataca chacal nishca animalcunami micunga.

SALMOS 63:11

Ashtahuanpish jatun mandacca Dios-huanmi cushicunga. Maijan cashpapish Diospac shutipi huillaccunaca alli nishcami canga. Mana allita rimaccunapac shimica huichcashcami canga.

ÉXODO 22:24

Ñucaca nina japiric shina piñarishpami, espadahuan huañuchisha. Cancunapac huarmicunaca viuda, cutin huahuacunaca taita mama illacmi saquiringa.

ISAÍAS 13:18

Mosocunatapish flechahuanmi huañuchinga. Llullu huahuacunatapish mana llaquingachu. Huahuacunata ricushpaca, ashallatapish mana llaquingachu.

ISAÍAS 9:16

Cai gentecunata mandaccunaca pandachiccunami. Cai mandaccunata caticcunaca pandarishpami chingaringa.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

JEREMÍAS 12:3

Mandac Dioslla, ashtahuanpish ñucataca ricsinguimi. Cambac ñaupapi ñuca shungu alli cactapish, canllatac yachanguimi. ¡Paicunataca ovejacunata huañuchingapac apac shina, huañuchina punzhapac chicanyachiyari!

JEREMÍAS 14:16

Paicuna huillashcata uyaccunapish jatun macanacuipi yarcaihuanmi huañunga. Chai huañushcacunataca Jerusalén ñancunapimi shitanga. Paicunapac huarmicunatapish, churicunatapish, ushicunatapish pi enterrac mana tiyangachu. Chashnami paicuna mana allita ruhuashca shinallatac llaquichisha.

JEREMÍAS 15:7

Ñuca acllashcacunaca huairachinahuan huairachic shina, llactamanta llucshishpa cachacpipish, huahuacuna illacta saquicpipish millaita ruhuanata mana saquircachu.

JEREMÍAS 15:8

Viuda huarmicunaca mama cuchapi tiyac tiyutapish yalli achcami saquirirca. Quipa huiñaicunapac mamacunata huañuchichunca punzha pachami huañuchiccunata cacharcani. Chai llactapica mana yuyashca horasmi yalli manchaita churasha.

JEREMÍAS 50:30

Chaimantami paicunapac quipa huiñaicunataca plazacunapi huañuchinga. Chaitaca Mandac Dios ñucami nini.

JEREMÍAS 9:21

Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

LAMENTACIONES 1:15

Mandac Diosmi ñucata cuidac sinchi runacunataca ñuca ñaupamanta anchuchirca. Paica, achca soldadocunata tandachishpami, quipa huiñai mosocunata tucuchirca. Mandac Diosmi Judá llactapi causac carihuan manarac chayarishca solteracunataca uvasta sarushpa ñutuchic shina ruhuarca.

LAMENTACIONES 5:3

Taita illac huahuacuna shinami canchic. Ñucanchic mamacunapish viudami saquirishca.

EZEQUIEL 16:38

Cantaca huainayac huarmicunata, huañuchiccunata ima shina llaquichinata mandashca shinami taripashpa llaquichisha. Cantaca ñucapaclla causachun munashpami, yallita piñarishpa llaquichisha.

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

AMÓS 4:10

Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

2 TIMOTEO 4:14

Fierrocunata allichishpa causac Alejandroca ñucata mana allita ruhuashpami llaquichirca. Pai chashna ruhuashcamantaca, Diosmi paitapish llaquichinga.

1 SAMUEL 15:33

Ashtahuanpish Samuelca: «¡Canca, cambac espadahuan huahuacunata huañuchishpami achca huarmicunata huahua illacta saquircangui! Chashnallatacmi cambac mamapish chai huarmicunapac chaupipica huahua illac saquiringa» nirca. Shina nishpami Agagtaca pitinacushpa Gilgal pueblopi Mandac Diospac ñaupapi huañuchirca.