JEREMÍAS 18:13 - Dios Rimashcata Quillcashcami

¹³ Chaimantami Mandac Diosca: «Carihuan manarac chayarishca soltera shina israelcuna ruhuashcata shinata, shuctac llactapi causaccuna ruhuashcata tapuichicyari.

JEREMÍAS 18:13 Iomraidhean Croise

ISAÍAS 36:22

Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

ISAÍAS 66:8

¿Pitac chashna tucushcataca uyarca? ¿Pitac chashna tucunataca ricurca? ¿Shuc punzhallapichu cai pachaca sajuaringa? ¿Shuc cutinllachu shuc llactaca sajuaringa? Sión urcupi causaccunaca sajuarina nanai japicpimi, huahuacunata sajuarirca.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

JEREMÍAS 18:14

Líbano urcu jahuamantaca, ¿rasu anchuringachu? ¿Caru llactamanta shamuc yacuca chaquingachu?

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

JEREMÍAS 31:4

Carihuan manarac chayarishca soltera shina Israel llactalla, cambac llactata cutin shayachishami. Cutin allichirishpami panderohuan cushicushpa, danzashpa llucshingui.

JEREMÍAS 5:30

Cai llactapica, yallita mancharina mana ricuipac millaitami ruhuancuna.

LAMENTACIONES 1:15

Mandac Diosmi ñucata cuidac sinchi runacunataca ñuca ñaupamanta anchuchirca. Paica, achca soldadocunata tandachishpami, quipa huiñai mosocunata tucuchirca. Mandac Diosmi Judá llactapi causac carihuan manarac chayarishca solteracunataca uvasta sarushpa ñutuchic shina ruhuarca.

OSEAS 6:10

Israelcunapac llactapica mancharina juchatami ricushcani. Chaipimi Efraín ailluca huainayarca. Israelcunapish mapayarcami.

AMÓS 5:1

Israelcunalla, ñuca rimashcata uyaichicyari. Cancunamanta huacashcata uyaichicyari.

AMÓS 5:2

¡Carihuan manarac chayarishca soltera shina israelcunaca, jaicapi mana cutin jataringapacmi urmashca! Pipish mana jatarichishcami pambapi siricun.

1 CORINTIOS 5:1

Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.

1 SAMUEL 4:7

filisteocuna yachashpaca mancharircacunami. Chashna manchashpami: «¡Diosmari carpa huasicunaman chayamushca!» nishpami: «¡Cunancamanca jaicapi cashna llaquica mana tiyashcachu! ¡Aij, ñucanchiclla imachari tucushun!