JEREMÍAS 17:3 - Dios Rimashcata Quillcashcami

³ jahua urcu pambacunapi tiyac altarcunatami yuyarin. Chashna juchata ruhuashcamantami cancunapac ima charishcacunatapish, ima sumaccunatapish shuhuaccuna apachun saquisha.

JEREMÍAS 17:3 Iomraidhean Croise

2 REYES 24:13

Chai quipami Nabucodonosorca Mandac Diospac huasipi, mandana huasipi tucui alli huacaichishcacunata llucchirca. Chai curimanta ruhuashca charinacunataca tucuimi ñutuchirca. Chai charinacunataca Israel llactata jatun mandac Salomonmi Mandac Dios nishca shinallatac Mandac Diospac huasipi charingapac ruhuachishca carca.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

JEREMÍAS 15:13

Cancunapac juchacunamantami cancunapac llactapi ima tiyashcacunatapish, sumac charinacunatapish shuhuaccunaman yanga cushpa cusha.

JEREMÍAS 20:5

Shinallatac cai llactapi causaccuna trabajashpa tucui imata charishcatapish, ima sumaccunatapish, Judá llactata jatun mandaccunapac ima valishcacunatapish, tucui charishcacunatapishmi paicunata piñaccunaman cusha. Chashna cucpimi, paicunaca Babilonia llactaman apanga.

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

EZEQUIEL 16:39

Cantaca paicunapac maquipimi churasha. Paicunami yanga dioscunatapish, alli nina lomacunatapish, altarcunatapish urmachishpa, cambac churanacunatapish, cambac ima alajacunatapish quichushpa, lluchullata saquinga.

EZEQUIEL 23:46

Chaimantami Mandac Diosca: “Ñucami chai huarmicunata llaquichichun achca soldadocunata huichai cachasha. Paicunami manchachishpa, tucui shuhuanga.

EZEQUIEL 6:3

Chai urcucunataca: “¡Israel llacta urcucunalla, Mandac Dios rimashcata uyaichic! Mandac Dios urcucunatapish, lomacunatapish, chaipi tiyac yacucunatapish, pambacunatapish rimashpaca: Riquichic, ñucami cancunata llaquichichun, jatun macanacuita cachashpa, lomacunapi tiyac altarcunatapish tucuchigrini.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

SOFONÍAS 1:13

Chaimantami paicunapac charishcacunatapish shuhuashpa, huasicunatapish llaquinayaitami tucuchinga. Huasicunata shayachishpapish, mana causangacunachu. Uvasta tarpushpapish, vinota mana ubiangacunachu» ninmi.