JEREMÍAS 17:23 - Dios Rimashcata Quillcashcami

²³ Shina mandacpipish, paicunaca mana uyarcacunachu. Ashtahuanpish rimashcata mana cazungapacmi sinchi shungu tucurca.

JEREMÍAS 17:23 Iomraidhean Croise

SALMOS 50:17

Ñuca cunacpipish piñaringuimi. Ñuca rimashcatapish mana uyasha nishpa saquinguimi.

PROVERBIOS 1:3

shinallatac cazungapac, yachacungapac, cashcata ruhuangapac, allita ruhuangapac, pacta pacta ruhuanata yachacungapac,

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

PROVERBIOS 5:12

Chashna Llaquirishpa pacta: “¡Ima nishpatac yuyaita cushcatapish, cunashpa rimashcatapish ñuca shungupi mana huacaichircani!

PROVERBIOS 8:10

Cullquipac randica, ñuca yachachishcata chasquichic. Alli curipac randica, alli yachanata mashcaichic.

ISAÍAS 48:4

Cancunapac shungu, barra fierro shina cashcatapish, frenteca bronce shina cashcata yachanimi.

JEREMÍAS 11:10

Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 32:33

Paicunaca ñahuita ricuchinapac randica, huashatami ricuchirca. Ñuca paicunata utcamanta pacha allita yachachicucpipish, allita causachun cunacucpipish, mana uyarcachu.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

JEREMÍAS 7:28

Chaimantami canca: “Cai llactapi causaccunaca paicunata Mandac Diostaca mana cazurcacunachu. Allita ruhuachun yachachishcatapish mana uyarcacunachu. Paicunaca cashcata ninataca saquishcami” ningui» nirca.

EZEQUIEL 20:13

Ashtahuanpish israelcunaca shitashca pambapica ñucata mana cazushpami piñachirca. Ñuca mandashcacunatapish, ñuca imata ruhuachun nishcacunatapish yangapimi churarca. Chaicunata maijanpish pactachishpaca causangami. Samana punzhatapish yangapi churacpimi, ñucaca yallita piñarishpa, shitashca pambapi llaquichinata yuyarircani.

EZEQUIEL 20:16

Paicunallatacmi ñuca imata ruhuachun nishcacunatapish, mandashcacunatapish mana cazushpa, samana punzhatapish yangapi churashpa, paicunapac ruhuashcalla dioscunatarac yuyarishpa causarca.

EZEQUIEL 20:21

Ashtahuanpish paicunapac churicunaca ñucataca mana cazurcachu. Causaita cuc ñuca mandashcacunatapish, imata ruhuachun nishcacunatapish mana pactachircachu. Samana punzhatapish yangapimi churarca. Chaimantami ñuca piñarishpa, shitashca pamballapitac tucuchinata yuyarcani.

SOFONÍAS 3:7

Ñucaca: “Jerusalenpi causaccunaca manchangapishchari. Cunashpa rimashcataca cazungapishchari. Shina cazucpica, paicuna causana huasicunatapish mana chingachimanchu” nishpami yuyarcanimi. Ashtahuanpish paicunaca millaita ruhuanatami munarca.

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

JUECES 6:10

Shinallatac: ‘Ñucaca cancunata Mandac Diosmi cani. Cancuna causana llacta amorreocunapac dioscunata ama alli ninguichicchu’ nircani. Shina nicpipish cancunaca mana cazushcanguichicchu” ninmi» nirca.