JEREMÍAS 17:22 - Dios Rimashcata Quillcashcami

²² Samana punzhapica cancunapac huasimantaca ama imata llucchichicchu. Imatapish ama ruhuaichicchu. Ashtahuanpish cancunapac ñaupa taitacunata mandashca shina, samana punzhataca ñucapaclla cachun chicanyachichic nishpa mandarcani.

JEREMÍAS 17:22 Iomraidhean Croise

NEHEMÍAS 13:15

Chai punzhacunallatacmi Judá llactapica samana punzhapi uvasta cutacucta, gavillata ashtacucta, shinallatac vinota, uvasta, higota, ima cargacunatapish burropi cargashpa Jerusalenman apacucta maijancunataca ricurcani. Chashna samana punzhapi catucushcamantami sinchita rimarcani.

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

JEREMÍAS 17:24

Shina cacpipish, Mandac Dios ñucaca: Cancuna ñucata cazushpaca, samana punzhapi cai llacta pungucunataca ama imata apashpa yaicuichicchu. Ashtahuanpish samana punzhata ñucapaclla cachun chicanyachishpa, ama imata ruhuaichicchu.

EZEQUIEL 20:12

Shinallatac paicunahuan ari nishcata yuyarichun, paicunata ñucapacllata ruhuac Mandac Dios cashcata yachachunmi samana punzhatapish curcani.

EZEQUIEL 22:8

Ñucapaclla chicanyachishca pushtucunatapish, samana punzhatapish yangatami ruhuancuna.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

SAN LUCAS 23:56

Chai huarmicuna huasiman cutimushpaca, mishquilla ashnacuctami Jesuspac cuerpopi churangapac allichirca. Samana punzha chayamucpica, Dios mandashca shinami samarirca.

SAN LUCAS 6:5

Shinallatac Jesusca: —Runa Tucungapac shamushca ñucaca, samana punzhapipish mandai pudinimi— nirca.

APOCALIPSIS 1:10

Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca: