JEREMÍAS 17:2 - Dios Rimashcata Quillcashcami

² Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

JEREMÍAS 17:2 Iomraidhean Croise

2 CRÓNICAS 24:18

Paicunapac ñaupa taitacunaca Mandac Diospac huasita shitashpami, Asera huarmi diosman ricchacunata, imamanpish riccha dioscunata ruhuashpa alli nircacuna. Chashna juchata ruhuashcamantami Mandac Diosca Judá llactapi causaccunahuanpish, Jerusalenpi causaccunahuanpish yallita piñarirca.

2 CRÓNICAS 33:19

Mandac Diosta mañacpi, Dios uyashcapish, tucui juchacunata ruhuashcapish, mana cazushcapish, mana allita ruhuashcamanta manarac llaquirishpa maipi altarcunata ruhuashca pushtucunamantapish, Asera huarmi diosta yuyarina yurata shayachishcapish, yanga dioscunata ruhuashcapish, Dios ricuchishcata huillaccuna quillcashcapimi tiyacun.

2 CRÓNICAS 33:3

Paipac taita Ezequías tigrachishca lomacunapi tiyac altarcunatapish cutin shayachishpami, Baal dioscunaman altarcunata ruhuarca. Asera huarmi diosta yuyarina yuratapish ruhuarcami. Jahuapi tucui ima tiyaccunatapish alli nishpami mañarca.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

ÉXODO 34:13

Ashtahuanpish paicunapac altarcunata urmachishpa shitangui. Adorana rumi dioscunatapish paquingui. Asera huarmi diosta yuyarina yuracunatapish pitingui.

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 17:8

Paicunapac maquihuan ruhuashca altarcunatapish, Asera huarmi diosta yuyarina yuratapish, paicunapac maquihuan ruhuashca dioscunatapish, inciensota rupachina altartapish mana ricungachu.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 7:18

Huahuacunaca yantatami tandan. Taitacunaca ninatami japichin. Huarmicunaca jahua pachata mandac huarmi diosman cungapacmi tandata masancuna. Shuctac dioscunaman ofrendata cushpami, vinota tallin. Chashna ruhuashpami, ñucataca yallita piñachincuna.

EZEQUIEL 20:28

Maquita alzashpa, cushami nishca llactaman pushamucpica, chaipi tiyac jatun lomacunata, jatun yuracunata ricushpami, animalcunata cushpa rupachirca. Mishquilla ashnacuc inciensotapish rupachircami, vinotapish cushpa tallircami. Chashnami ñucataca yallita piñachirca.

DEUTERONOMIO 12:2

Cancuna japigricuc llactapi causaccunaca jatun urcucunapi, lomacunapi, sacha ucucunapimi dioscunata charin. Tucui chaicunataca polvonami canguichic.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.