JEREMÍAS 17:13 - Dios Rimashcata Quillcashcami

¹³ Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 17:13 Iomraidhean Croise

SALMOS 22:4

Ñucanchic ñaupa taitacunaca can quishpichichunmi shuyarcacuna. Chashna shuyacpica canca quishpichircanguimi.

SALMOS 69:29

Ñucaca nanaihuan llaquirishcami cani. Dioslla, can quishpichishpa ashtahuan jahuaman churaiyari.

SALMOS 71:5

Mandac Dioslla, canmi ñuca shuyanapish, ñucata huambramanta pacha cuidacpish cangui.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

PROVERBIOS 14:14

Mana cazuc runaca pai mana allita ruhuashcahuanmi cushilla canga. Ashtahuanpish allita ruhuac runaca pai allita ruhuashcahuanmi cushicunga.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 17:17

Canca llaqui punzhacunapi ñucata pacacmi cangui. Chaimanta ama manchachichu.

JEREMÍAS 17:18

Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.

JEREMÍAS 17:5

Mandac Diosca: «Ñucamanta anchurishpa, huañuclla runapi shunguta churashpa causacca llaqui tucungatacmi. Paipac shungupish ñucamanta anchuricunmi.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

JEREMÍAS 50:7

Ñuca ovejacunataca pipish tarishpaca huañuchircami. Paicunata piñaccunaca: “Caicunata huañuchishcamantaca mana faltayucchu canchic. Paicunallatacmi cuidashpa causac Mandac Diosta mana cazurca. Paicunapac ñaupa taitacuna shunguta churashpa causana Mandac Diostami piñachirca” nirca.

EZEQUIEL 13:9

Manapish ricushpa yangata rimaccunatapish, llullac huillaccunatapish ñucaca piñashami. Paicunaca ñuca acllashca israelcunahuan mana tandanacungachu. Israelcunapac shuticunata quillcana libropipish mana quillcashcachu canga. Israel llactamanpish mana cutingachu. Chashna ruhuacpimi, ñucataca Mandac Dios cashcata yachanguichic.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

EZEQUIEL 36:32

Mandac Dios ñucami nini: ¡Israelcunalla, caitaca mana cancunamantachu ruhuani! ¡Chaitaca allita yachaichic! ¡Cancuna mana allita ruhuashcamantaca cancunallatac pingarishpa upayaichic!

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ZACARÍAS 9:12

Prezumanta cutina yuyailla caccucunalla, muyundita pircashcaman cutimuichicyari. Cunanca, cancuna yallita llaquita apashcamantaca chaupihuan yalli allicunata cancunaman cunatami huillacuni.

SAN LUCAS 10:20

Shina cacpipish, ama supaicuna cazushcallamanta cushicuichicchu, ashtahuanpish cancunapac shuticuna jahua pacha libropi quillcashca cashcamanta cushicuichic— nirca.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

HECHOS 28:20

Israelcuna shuyacushcallatatac crishpa shuyacushcamantami, ñucaca caipi cadenahuan huatashca cani. Chashna parlangapacllami, cancunataca cayarcani— nirca.

1 TIMOTEO 1:1

Ñucanchicta Quishpichic Dios, shinallatac Apunchic Jesucristo mandashcamanta, ñucanchic shunguta churashpa shuyana Apunchic Jesucristo acllashca apóstol Pablomi,

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.