JEREMÍAS 17:10 - Dios Rimashcata Quillcashcami

¹⁰ ¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 17:10 Iomraidhean Croise

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 CRÓNICAS 29:17

Ñuca Dioslla, ñucanchic shungu imalaya cashcata yachashpami cashcata ruhuaccunataca alli ningui. Chaimantami tucui shunguhuan, tucui munaihuan tucui caicunataca curcani. Cunanca caipi tandanacushca can acllashcacunapish, cushicuihuan canman cuctami ricuni.

2 CRÓNICAS 6:30

Shina mañacpica, can causana jahua pachapi uyashpami, paicunapac juchacunata perdonangui. Shina Perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui.

JOB 34:11

Paimi runamanca pai imata ruhuashca shina cuna cashcata cunga. Runa ima shina causashca shinami cunga.

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

SALMOS 44:22

Ashtahuanpish cambac cashcamantami punzhanta huañuchishun nishca causanchic. Huañuchina ovejacunata shinami charincuna.

SALMOS 62:12

llaquicpish, canta Mandac Diospish cani. Ñucami tucuiman imata ruhuashca shinallatac japina cashcata cusha» nirca.

SALMOS 7:10

Diosmi escudo shina jarcacun. Shungumanta cashcata ruhuaccunataca paimi quishpichin.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

PROVERBIOS 12:14

Runaca pai rimashca shinallatacmi imata cashpapish mana nicta japinga. Paipac maquihuan imata ruhuashca shinallatacmi pai japinataca chasquinga.

PROVERBIOS 17:3

Cullquitapish, curitapish hornopi rupachishpami alli cashcata ricuna. Ashtahuanpish runapac shungutaca Mandac Diosmi ricucun.

ECLESIASTÉS 9:3

Inti achicyachicuc cai pachapi tucui ruhuanamantaca caicunami mana alli ricurin. Tucuimi chashnallatac tucun. Huañuclla runapac shunguca tucui causaipimi mana allita ruhuana yuyaillahuan, juizhu illac causacun. Chai quipaca huañushcacunahuanmi tandanacugrin.

ISAÍAS 59:18

Paita piñaccunataca llaquichina cashca shinallatacmi llaquichinga. Paita mana ricunayachiccunatapish, paita piñaccunatapish yallita piñarishpami llaquichinga. Mama cucha patapi causaccunatapish paicuna piñashca shinallatacmi llaquichinga.

JEREMÍAS 11:20

Shina cacpimi ñucaca: «Tucuita Mandac Dioslla, canca cashcata ruhuacmi cangui. Tucui gentecunapac yuyaitapish, shungupi yuyacushcatapish allita ricucmi cangui. Ñucata llaquichinata yuyariccunataca cambac maquipi churarcani. Can paicunata llaquichicucta ricunatami munani» nircani.

JEREMÍAS 12:13

Trigota jichashpaca, cashatami cosecharca. Paicuna allpapi shaicushpa trabajashcaca yangami carca. Ñuca nina japiric shina, yallita piñarishcamantami paicuna cosechacushpaca pingai tucunga» nirca.

JEREMÍAS 20:12

Tucuita Mandac Dioslla, cashcata ruhuaccunataca ricuracunguimi. Yuyaitapish, shungutapish tucuitami ricungui. Ñucata llaquichiccunataca cambac maquipimi churani. Ñucata llaquichishcamantaca paicunatapish ñuca ricucucpi llaquichiyari.

JEREMÍAS 21:14

Ñucaca cancuna mana allita ruhuashca shinallatacmi llaquichigrini. Ñucami paipac sachapi tiyac yuracunataca ninata japichishpa rupachisha. Chai ninami paipac muyundipi tucui tiyaccunatapish tucuchinga” ninmi ningui» nirca.

JEREMÍAS 23:2

Chaimantami israelcunata Mandac Diosca ñuca llactamanta gentecunata michiccunataca: «Cancunaca, ñuca ovejacunata cuidanapac randica, manchachishpami caita chaita cachanguichic. Uyaichic, cancuna mana allita ruhuashcamantami llaquichigrini,

JEREMÍAS 32:19

Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

EZEQUIEL 11:5

Mandac Diospac Espíritu ñucapacman shamushpaca: «Mandac Diosca: “Israelcunalla, cancunaca chashnami rimashcanguichic. Ñucaca cancuna imata yuyacushcatapish yachanimi.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.

MIQUEAS 7:13

Cai pachaca shitashca pamba shinami saquiringa. Cai pachapi causaccuna mana allita ruhuashcamanta chashna canga.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN MATEO 6:4

Can chashna pacalla ayudacpica, pacallata ricuc Diosca, can japina cashcataca cungami.

SAN JUAN 2:25

Jesusca gentecuna imata yuyacushcataca pi mana huillacpipish ña yacharcami. Gentecunapac shungu imata yuyacushcataca tucuitami yacharca.

HECHOS 1:24

Chaimanta Diosta mañashpaca: «Mandac Dioslla, canmi tucuipac shunguta ricsingui. Cunanca, cai ishcai runacunamanta, maijan can acllashcata ricuchiyari.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

ROMANOS 8:27

Shungupi imata yuyacushcata yachac Diosca, paipac Espíritu imata mañacushcataca yachanmi. Chai Espirituca Dios munashca shinami, Diospaclla caccunamanta mañacun.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

APOCALIPSIS 22:12

Shinallatac Jesusca: —¡Riquichic, ñucaca ñallami shamusha! Imata ruhuashca shina japina cashcata tucuiman cungapacmi apashpa shamusha.

1 SAMUEL 16:7

Shina yuyacucpipish, Mandac Diosca Samueltaca: —Ama pai sumac cashcallata, jatun cashcallata ricuichu. Paitaca mana acllarcanichu. Ñucaca gentecuna shinaca mana ricunichu. Paicunaca jahuallatami ricun, ashtahuanpish Ñucaca shungutami ricuni— nirca.