JEREMÍAS 17:1 - Dios Rimashcata Quillcashcami

¹ Judá llactapi causaccunapac juchacunaca cincel fierrohuanmi quillcashca. Shinallatac diamante rumi puntahuanmi tablapi quillcashca shina, cancunapac shungupipish, cancunapac altar gachucunapipish quillcashca tiyacun.

JEREMÍAS 17:1 Iomraidhean Croise

PROVERBIOS 3:3

Cashcata nina, shinallatac llaquic canaca, jaicapi ama anchurichun. Cungapi churarishca shina, shungupi quillcashca shina, chai yuyailla puringui.

PROVERBIOS 7:3

Chai yachachishcataca maqui dedopi huatashca shina, tablapi quillcashca shina shungupi charingui.

ISAÍAS 49:16

Cantaca ñuca maquipi quillcac shinami charini. Canta jarcac muyundi pircacunatapish ricuracunimi.

JEREMÍAS 11:13

Judá llactapi causaccunalla, cancunapac llactapi mashna llactacuna tiyashca shinallatacmi dioscunata charinguichic. Jerusalenpi causaccunalla, chaipi mashna callecuna tiyashca shinallatacmi Baal diosman inciensota cushnichina altarcunata shayachircanguichic.

JEREMÍAS 2:22

Lejiahuan, tucuilaya jabonhuan armaricpipish, cambac juchacunaca manatac anchuringachu. Ñuca ñahuipica ricuricungallami.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

OSEAS 8:11

Efraín ailluca juchata ruhuangapacmi achca altarcunata ruhuarca. Chai altarcunataca juchata ruhuangapacllami charirca.

LEVÍTICO 4:25

Chai juchamanta cushpa huañuchishca yahuartaca curami maqui dedohuan apashpa, Diosman cushpa, tucuita rupachina altar gachucunapi cahuinga. Chai puchu yahuartaca chai altar chaquipimi tallinga.

ZACARÍAS 7:12

Paicunaca tucuita Mandac Dios mandashcatapish, paipac Espíritu huillashcatapish, pai ima nishcata ñaupa huillaccuna huillashcatapish mana uyashun nishpa, diamante rumi shina sinchi shungu tucurca. Chaimantami tucuita Mandac Diosca paicunahuan nina japiric shina piñarirca.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.