JEREMÍAS 16:19 - Dios Rimashcata Quillcashcami

¹⁹ Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 16:19 Iomraidhean Croise

1 REYES 20:23

Siria llactata jatun mandacta serviccunaca: —Israelpac dioscunaca, urcucunapi causac dioscunamari. Chaimantami ñucanchic-huan macanacushpa atirca. Ashtahuanpish pugru pambapi macanacushpaca atinchicmi.

SALMOS 18:3

Mandac Dios cantami mañasha. Canca alabanatacmi cangui. Canta mañashpami piñaccunapac maquimanta quishpichishca casha.

SALMOS 19:14

Canca jatun rumi shina ñucata pacac, ñucata quishpichicmi cangui. Ñuca canman nishcacunapish, ñuca shungupi yuyashcapish can chasquinalla cashca cachun.

SALMOS 27:5

Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 62:2

Paica ñuca quishpichicmi, ñuca jarcarina jatun rumimi. Chaimantami pipish mana urmachinga.

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

SALMOS 68:31

Egipto llactata jatun mandaccunami shamungacuna. Etiopía llactapi causaccunaca paicunapac maquitami Mandac Diospac ladoman chutanga.

SALMOS 86:9

Jatun Dioslla, tucui can ruhuashca llactacunami cambac ñaupaman shamushpa, cantaca sumacmi cangui ningacuna.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

ISAÍAS 44:10

Maijanpish imatapish yacuyachishpa imamanpish riccha shuc diosta ruhuashcaca, ¿imapactac valin?

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

ISAÍAS 62:2

Chashna cacpimi, shuctac gentecunaca can cashcata ruhuac cashcata ricunga. Shinallatac jatun mandaccunaca can alli nishca cashcatami ricunga. Mandac Diosllatacmi cantaca mushuc shutita shutichinga.

JEREMÍAS 10:3

Chai gentecuna paicunapac yachachishcaca yangallami. Sachamanta shuc yurata pitishpami, caspita allichic runaca azuelahuan llacllashpa, shuc diosta ruhuan.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 17:17

Canca llaqui punzhacunapi ñucata pacacmi cangui. Chaimanta ama manchachichu.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

JEREMÍAS 2:8

Curacunaca: “¿Mandac Diosca maipitacyari?” mana nircachu. Ñuca mandashcata ricuccunapish mana ricsircachu. Michiccunapish ñucataca piñarcami. Ñucamanta huillaccunapish Baal diospac shutipimi huillarca. Chashnami imatapish mana ayudac dioscunatarac catirca.

JEREMÍAS 3:23

Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

EZEQUIEL 11:16

Chaimanta canca: “Mandac Diosca: Paicunata caru llactacunapi causagrichun cachashpapish, ñucallatacmi ñucata yuyarina huasi shinaca casha” ninmi.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

AMÓS 2:4

Mandac Diosca: «Judá llactapi causaccunataca, paicuna catipi quimsa cutin, chuscu cutin juchallishcamanta llaquichinata manatac saquishachu. Paicunaca Mandac Dios ñuca mandashcata yangami churashpami, pai yachachishcacunatapish mana cazurca. Paicunapac ñaupa taitacunapac dioscunata catishpami pandarirca.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

HABACUC 3:19

¡Mandac Diosca ñuca jarcarina sinchi torre shinami! Paica ñuca chaquicunata tarugapac chaqui shinata ruhuashpami, jahua urcucunata purichinga.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

ROMANOS 1:25

Paicunaca cashcata nic huillashcata saquishpami, llulla huillashcata catincuna. Diosta cungurishpa, alli ninapac randica, pai ruhuashcacunatami cungurishpa adorancuna. Diosllami huiñaita alli nishca cana can. Chashna cachun.

1 PEDRO 1:18

Diosca cancunataca cancunapac ñaupa taitacuna causashca shina yangalla yuyaicunahuan causacucta acllashpa quishpichishcataca ñami yachanguichic. Cancunaca mana curihuan, cullquihuan, imapish chingarinallahuan randishcachu canguichic,

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.