JEREMÍAS 16:13 - Dios Rimashcata Quillcashcami

¹³ Chaimantami cancunapish, cancunapac ñaupa taitacunapish mana ricsishca llactaman cancunata llucchishpa cachagrini. Chaipimi tutapish, punzhapish shuctac dioscunata servinguichic. Cancunataca manatac llaquishachu” ninmi ningui» nirca.

JEREMÍAS 16:13 Iomraidhean Croise

2 REYES 25:21

Chaipimi Babilonia llactata jatun mandacca Hamat llactapi huañuchirca. Chashnami Judá llactapi causaccunataca paicunapac llactamanta caruman prezu aparca.

2 CRÓNICAS 7:20

ñucami cancunaman cushca llactamanta llucchishpa cachasha. Shinallatac ñuca shutipi mañana ñucapaclla cachun chicanyachishca cai huasitapish ñuca ñaupamanta anchuchishami. Shina ruhuacpimi, tucui llactapi causaccuna parlanacushpa burlashpa asingacuna.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

JEREMÍAS 10:18

Mandac Diosca: «Cunanca cai llactapi causaccunataca huaracahuan shitac shina, yallita llaquichishpami pingaichigrini» ninmi.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 15:14

Ñucaca nina japiric shina, yallita piñarishcami cani. Chaimantami mana ricsishca llactapi cancunata piñaccunata servichun churasha.

JEREMÍAS 15:4

Paicunataca Ezequiaspac churi, Judá llactata jatun mandac Manasés Jerusalenpi mana allita ruhuashcamantami yallita llaquichisha. Chaita, shuctac llactacunata mandaccuna ricushpaca mancharingami” nini.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 22:26

Cantapish, canta sajuaric mamatapish cancuna mana huacharishca shuctac llactaman prezu apachunmi saquisha. Cancunaca chaipimi huañunguichic.

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

JEREMÍAS 5:19

Chai punzhapi maijan: “Mandac Diosca, ¿imamantatac ñucanchictaca chashna llaquichin?” nicpica: “Cancunallatac Mandac Diosta saquishpa, cancunapac llactapi shuctac dioscunata servinguichic. Chashnallatacmi cancunaca mana ricsishca runacunata servishpa, mana ricsishca llactapi causagringuichic” ninguichic» nirca.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

DEUTERONOMIO 29:28

Chashna yallita piñarishpa, mana ricunayachishpami paicunataca llactamanta sapindi aisac shina, Mandac Diosca shuctac llactacunaman catishpa cachashca. Chaitami cunanca ricunguichic” ninga.