JEREMÍAS 15:1 - Dios Rimashcata Quillcashcami

¹ Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 15:1 Iomraidhean Croise

GÉNESIS 19:27

Cayandi tutamantaca Abrahamca Mandac Dios-huan parlanacushca pushtumanmi rirca.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

SALMOS 106:23

Chaimantami Diosca tucuchinata munarca. Pai acllashca Moisés paipac ñaupapi mañashpa mana jarcashca cacpica, tucuchinmanmi carca. Paimi ama tucuchichun paipac ñaupapi mañashpa jarcarca.

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

PROVERBIOS 14:35

Jatun mandacca paita servic alli yuyaita charicpimi cuyan. Ashtahuanpish paita pingaichic runataca piñashpami llaquichin.

JEREMÍAS 10:18

Mandac Diosca: «Cunanca cai llactapi causaccunataca huaracahuan shitac shina, yallita llaquichishpami pingaichigrini» ninmi.

JEREMÍAS 11:14

Canca, cai gentecunamantaca ama mañaichu. Ñucaca paicuna llaquihuan cashpa, ñucata caparishpa mañacui punzhapica mana uyashachu. Chaimanta paicunamantaca ama caparishpa ñucata mañanguichu.

JEREMÍAS 14:11

Mandac Diosca: «Ama cai gentecunaman ñuca allita ruhuachun mañaichu.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 15:19

Shina nicpimi, Mandac Diosca: «Can ñucapacman cutiricpica, cutinmi cantaca alliyachisha. Shina ruhuacpica, ñuca ñaupapimi ñucata servishpa causangui. Imapacpish mana vali parlocunata saquishpa, alli rimaicunallata parlashpaca, ñuca rimashcatami cutin huillangui. Canca ama paicunapacman cutirichu. Ashtahuanpish paicunami cambacman cutiringa.

JEREMÍAS 16:13

Chaimantami cancunapish, cancunapac ñaupa taitacunapish mana ricsishca llactaman cancunata llucchishpa cachagrini. Chaipimi tutapish, punzhapish shuctac dioscunata servinguichic. Cancunataca manatac llaquishachu” ninmi ningui» nirca.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

JEREMÍAS 18:20

Can yallita piñarishcata pasachichun ñuca paicunamanta mañashcataca yuyariyari. Ashtahuanpish paicunaca ñucata enterrana jutcutami allashca. ¿Allita ruhuashcamantaca, mana allitachu ruhuana canga?

JEREMÍAS 22:28

¿Coniasca pipish mana ricusha nishca, allpamanga paquirishca shinachu? ¿Pipish mana munashca allpa plato shinachu? ¿Ima nishpatac paipish, paipac huahua huahuacunapish mana ricsishca llactaman llucchishpa cachashca cancuna?

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

JEREMÍAS 35:19

Chaimantami Recabpac churi Jonadabpac huahua huahuacunamantaca punzhanta ñucata servicca mana illanga. Chaitaca israelcunapac tucuita Mandac Dios ñucami nini” nishpa huillani» ninmi.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

JEREMÍAS 9:19

Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 22:30

Chai llactata mana llaquichisha nishpami, ñucaca maijan cai llactamanta ñucahuan rimachun, shuc runata mashcarcani. Shina mashcashpapish mana tarircanichu.

OSEAS 9:15

Mandac Diosca: «Paicuna mana allita ruhuashcataca Gilgalpi ricunallami. Chaipimi paicunataca mana ricunayachircani. Paicuna yalli mana allita ruhuashcamantami, ñuca huasimanta llucchishpa cachasha, mana ashtahuan cuyashachu. Paicunata tucui mandaccunapish mana cazuccunami.

ZACARÍAS 3:3

Josueca mapa churanata churarishcami angelpac ñaupapi shayacurca.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.

HEBREOS 9:24

Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.

JUECES 5:9

¡Ñucaca tucui shunguhuanmi israelcunata pushaccunata alli nini! Israelcunapuramanta mana manchashpa, macanacungapac llucshiccunatapish alli ninimi. Mandac Diosta allimari cangui ¡nichicyari!

1 SAMUEL 12:19

Chaimantami tucui gentecuna Samueltaca: —¡Canta servic ñucanchic ama huañuchun canta Mandac Diosta mañaiyari! Ñucanchicca tucui juchacunata ruhuashca jahuami jatun mandacta munanchic nishpa ashtahuan mana allita ruhuashcanchic— nirca.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

1 SAMUEL 7:9

Shina nicpimi, Samuelca chuchucuc huahua ovejata japishpa, Mandac Diosman cushpa, tucui rupachirca. Shina ruhuashpa Mandac Diosta tucui israelcunamanta mañacpica, Diosca uyarcami.