JEREMÍAS 14:6 - Dios Rimashcata Quillcashcami

⁶ Sacha burrocunaca urcucunaman rishpami, chacal animalcuna shina, huairata aisan. Quihua mana tiyashcamantami yallita irquiyashpa, huañunalla tucuncuna» nirca.

JEREMÍAS 14:6 Iomraidhean Croise

ISAÍAS 32:14

Mandashpa tiyana huasipish shitashcami canga. Llactapi causac achca gentecuna bullashcapish mana uyaringachu. Lomapish, chapana torrecunapish sacha burrocuna huiñaita causana, ovejacuna shayanami tucunga.

JEREMÍAS 2:24

Shitashca urcupi causac huarmi burro cari burrota mashcashpa, mutquishpa maitapish callpac shinami cangui. Chai huarmi burro cunucyashcataca, ¿pitac jarcai pudingayari? Tucui paita mashcaccunapish mana shaicushpa taringami.

LAMENTACIONES 4:17

Ñucanchicta ayudacta chapacucllapitacmi ñahuipish amsayan. Mana ayudanata pudic llactatami torre jahuaman huichicushpa chapacushcanchic.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

JOEL 1:18

¡Quihua mana tiyashcamantami animalcunaca llaquinayaita huacacun! ¡Huagracunaca quihuata mashcashpami, caita chaita puricun! ¡Manada ovejacunapish yarcaimantami huañunalla tucun!

1 SAMUEL 14:29

Chashna nicpimi Jonatanca: —Ñuca taitaca cai llactapi causaccunataca pandachishcami. Riquichic, abeja mishquita ashata mallishpaca ashtahuan sinchiyanimi.