JEREMÍAS 14:3 - Dios Rimashcata Quillcashcami

³ Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

JEREMÍAS 14:3 Iomraidhean Croise

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

2 SAMUEL 19:4

Ashtahuanpish jatun mandac ñahuita quillparishpa, sinchita llaquirishpaca: «¡Ñuca huahua Absalonlla! ¡Absalón ñuca huahualla, ñuca huahualla!» nirca.

1 REYES 17:7

Ña tauca punzhacuna quipami, chai llactapi mana tamyacpi, chai huaicu yacuca chaquirca.

2 REYES 18:31

¡Ezequiastaca mana uyanachu canguichic! Asiria llactata jatun mandacca: “Cushi causai tiyachun ñucahuan parlangapac shamuichic. Shina ruhuashpaca, tucui cancunami quiquin uvas, higo chagramanta micunguichic. Yacutapish quiquin jundumanta ubianguichic.

ESTER 6:12

Chai quipaca jatun mandac mandacuc huasi pungullamantacmi Mardoqueoca cutirca. Cutin Amanca yallita llaquirishpami, paipac umata tapashpa, paipac huasiman utca cutirca.

JOB 6:20

Ashtahuanpish paicuna shuyacushca mana ricuricpimi llaquirincuna. Chai yacu tiyac pushtuman chayashpapish, yacuta mana tarishpami ubiana munaillahuan saquirincuna.

SALMOS 109:29

Ñucata yanga juchanchiccunaca churanata churaric shina pingaihuan cachun. Shinallatac jahuallata churarishca shina pandarishca cachun.

SALMOS 40:14

Ñucata ima shinapish huañuchishun nishpa puriccunaca pingaichishca, mana valichishca cachun.

JEREMÍAS 14:4

Chai llactapi mana tamyacpimi, allpapish yallita chaquirca. Allpapi trabajaccunaca yallita pingaihuan umata taparin.

JEREMÍAS 15:18

¿Ima nishpatac ñuca nanaica punzhanta tiyacunlla? ¿Ima nishpatac ñuca chugrica maita mana jambipac? ¿Canca chaquiclla yacu shinachu, ñucahuanca cagringui?» nircani.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:37

Egiptomantaca maquita uma jahuapi churashpami cutimungui. Ñucallatacmi can imapi shunguta churashpa causaccunataca piñarcani. Paicunamantaca ima allitapish mana chasquinguichu.

JEREMÍAS 20:11

Ashtahuanpish Mandac Diosca sinchi macanacuc soldado shinami ñucataca cuidan. Chaimantami ñucata llaquichiccunaca mitcaric shina pandarishpa mana mishai pudinga. Imapish mana alli llucshicpimi, yallita pingai tucunga. Paicuna pingai tucushcataca jaicapi mana cungaringacunachu.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

LAMENTACIONES 4:4

Yallita yacunayaihuanmi chuchucuc huahuapac calluca palancarapi llutarirca. Huahuacuna tandata mañacucpica, pi mana cuc tiyanchu.

OSEAS 2:3

Pacta sajuarishca punzhapi ima shina lluchulla cashca shinallatac saquiman. Pacta shitashca pambata shina ruhuashpa yacunayaihuan huañuchiman.

JOEL 1:20

Callpac yacucunapish chaquicunmi, michina pambatapish ninami rupachicun. Chaimantami sacha animalcunapish, can Diosta huacashpa mañacun.

AMÓS 4:7

Cosechangapac quimsa quilla faltacpimi, tamyata jarcarcani. Shuc llactapi tamyachishpapish, caishuc llactapica mana tamyachircanichu. Shuctac chagrapi tamyacucpish, shuctac chagraca usyaihuami tucui chaquirca.

AMÓS 4:8

Chaimantami ishcai, quimsa llactacuna shuc llactaman yacuta mañangapac shamun. Shina mañashpapish mana yacunayaitaca pasachircachu. Chashna llaqui tiyacpipish, cancunaca mana ñucapacman cutirircanguichicchu.

ZACARÍAS 14:17

Cai pacha familiacunamanta maijan Jatun Mandacta, tucuita Mandac Diosta Jerusalenpi mañangapac mana shamucpica, paicunapac llactapi mana tamyangachu.