JEREMÍAS 14:13 - Dios Rimashcata Quillcashcami

¹³ Shina nicpimi ñucaca: «¡Aij, Mandac Dioslla! canmanta huillaccunaca: “Jatun macanacuipish, yarcaipish mana tiyangachu. Ashtahuanpish Diosmi cushi causaita cunga” ninmi» nircani.

JEREMÍAS 14:13 Iomraidhean Croise

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

JEREMÍAS 20:6

Can Pasurpish, cambac huasipi tucui causaccunapish Babilonia llactamanmi prezu ringuichic. Chaipimi canpish, can llullashpa huillashcata uyac, canhuan apanacuccunapish huañunguichic. Chaillapitacmi enterrashca canguichic” ninmi ningui» nirca.

JEREMÍAS 23:17

Paicunaca ñuca rimashcata piñaccunataca: “Cancunaca cushillami causanguichic” nincunami. Shinallatac maijanpish paicunapac shungu munashcata ruhuashpa causaccunataca: “Cancunaca mana llaqui tucunguichicchu” ninmi» nirca.

JEREMÍAS 37:19

¿Maipitac cancunaman: “Babilonia llactata jatun mandacca cancunatapish, cai llactatapish mana llaquichingapac shamungachu” nishpa huillacca?

JEREMÍAS 4:10

Shina nicpimi ñucaca: «¡Aij, Mandac Dioslla! Ñucanchicca espadahuan huañunallami canchic. Judá llactapi, Jerusalenpi causaccunata: “Cancunaca cushi causaitami charinguichic” nishpaca, llullashcanguimi» nircani.

JEREMÍAS 5:12

Mandac Diosta negashpami: «Diosca mana tiyanchu. Ñucanchictaca ima llaquipish mana japingachu. Jatun macanacuipish, yarcaipish mana tiyangachu» ningacuna.

JEREMÍAS 5:13

Ashtahuanpish ñuca ima nishcata huillaccunaca huaira shinami chingaringa. Dios ima nishcata huillaccunaca mana huillacunchu. Chaimantami paicuna huillashca shinallatac tucuringa.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 6:14

Ñuca acllashcapac chugrita jahuallata jambishpaca: “Cushi causaimi tiyan, cushi causaimi tiyan” nishpami jambincuna. ¡Ashtahuanpish cushi causaica mana tiyanchu!

JEREMÍAS 8:11

Ñuca llactapi causaccunapac chugririshcata jahuallata jambishpaca: “Cushi causaimi tiyan, cushi causaimi tiyan” nincunami. ¡Ashtahuanpish cushi causaica mana tiyanchu!

EZEQUIEL 12:24

Israelcunapurapica yanga muscuipi shina ricuccunapish, llullashpa huillaccunapish jaicapi mana tiyangachu.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.