JEREMÍAS 13:27 - Dios Rimashcata Quillcashcami

²⁷ Can yallita huainayashpami pucushca caballo shina lomacunapi caparishpa, jatun mana allita ruhuarcangui. Pambapica jatun millanacunata ruhuacuctami ricurcani. ¡Aij, Jerusalenlla! ¿Ima horascamantac ñucapac ñaupapica mapa illac tucugringui?» ninmi.

JEREMÍAS 13:27 Iomraidhean Croise

SALMOS 94:4

Paicunaca millaita ruhuaccunami. Capariccuna, jatun tucushcacunami. ¿Maicamantac millaita ruhuashpa cushicuchun saquinguiyari?

SALMOS 94:8

Mana entendic gentecuna entendichiyari. ¿Ima horastac yuyaita japigringuichicyari?

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

ISAÍAS 57:7

Jatun urcu jahuamanmi cambac camata aparcangui. Chaipimi yanga dioscunaman animalta cushpa huañuchircangui.

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

JEREMÍAS 11:15

Ñuca cuyashca huarmi shina llactalla, cai tucui millana juchacunata ruhuashpaca, ¿imapactac ñuca huasimanca shamunguichic? ¿Ñucaman animalta chicanyachishpa cushpaca, cai llaquimanta, quishpirishami yuyanguichicchu? ¿Chaita cushpaca cushicushami yuyanguichicchu?

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

EZEQUIEL 16:23

Mandac Dios ñuca: Can tucui millaita ruhuashca quipaca, ¡aij, imachari tucungui! ninimi.

EZEQUIEL 2:10

Chai quillcataca ñuca ñaupapimi pascarca. Chai quillcaca ñaupamanpish, huashamanpish quillcashcami carca. Chaipica yallita llaquipi cantana cantota quillcashcami carca.

EZEQUIEL 20:28

Maquita alzashpa, cushami nishca llactaman pushamucpica, chaipi tiyac jatun lomacunata, jatun yuracunata ricushpami, animalcunata cushpa rupachirca. Mishquilla ashnacuc inciensotapish rupachircami, vinotapish cushpa tallircami. Chashnami ñucataca yallita piñachirca.

EZEQUIEL 24:12

Manga yanayashcaca mana llucshipacchu. Ashtahuanpish ninallahuanmi llucshinga.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 24:6

Mandac Diosca: ¡Aij, huañuchic llactalla! ¡Yanayashca manga shina llactalla! ¡Yanayashcaca maita mana anchuchipacchu! Chai aichataca callarishpa tucuita llucchi.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

EZEQUIEL 36:37

Mandac Dios ñucaca: Israelcuna cutin ñucata mañashcata uyashpami, ovejacunata mirachic shina mirachisha.

EZEQUIEL 6:13

Ruhuashcalla dioscunapac chaupipi, tucui altar muyundipi, lomacunapi, urcucunapi, jatun yura ucucunapi, chai dioscunaman cushpa, rupachina pushtucunapimi paicuna huañushcacunaca siricunga. Shina siricucta ricushpami, ñucataca Mandac Dios cashcata yachanguichic.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

OSEAS 8:5

¡Samariapi tiyac ruhuashca beci diostaca mana ricusha ninichu! Chaimantami ñucaca chaipi causac cancunahuan yallita piñarini. ¿Ima horacamantac jucha illac tucunguichic?

SOFONÍAS 3:1

¡Aij, Jerusalenlla, shuccunata llaquichiccuna, mana cazuccuna, juchata ruhuashpa mapayashcacunami!

SAN MATEO 11:21

«¡Aij, Corazín pueblolla, Betsaida pueblolla! Cancunapac pueblocunapi ruhuashca shinata Tiro pueblopi, Sidón pueblopi ruhuashca cacpica, llaquirishpa, sharpa churanata churarishpa, uchupahuan cahuirishpa, Diosman cutirinmanmi carca.

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.