JEREMÍAS 13:21 - Dios Rimashcata Quillcashcami

²¹ Canllatac yachachishca, canhuan apanacuccunata Dios mandachun churacpica, ¿imatatac ninguiman? ¿Manachu canca huarmita sajuarina nanai japic shina llaqui tucungui?

JEREMÍAS 13:21 Iomraidhean Croise

2 REYES 16:7

Chaimantami Acazca Asiria llactata jatun mandac Tiglat-pileserpacman huillaccunata cachashpaca: «Ñucaca canta servic cambac churillatacmi cani. Shina cashcamanta Siria llactata jatun mandacpac maquimantapish, Israel llactata jatun mandacpac maquimantapish misangapac huichai shamui. Paicunami ñucata macangapac jatarishcacuna» nichun cacharca.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 13:8

Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

JEREMÍAS 22:23

Líbano urcu caspicunahuan shayachishca huasipimi, cedro caspicunapi cuzhata ruhuac shina causarcangui. ¡Canta yalli llaqui japicpica, shuc huarmi sajuarina nanaihuan caparic shinami caparingui!» ninmi.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 38:22

Judá llactata jatun mandacpac huasipi saquirishca tucui huarmicunatami Babilonia llactata jatun mandac churashca mandaccunapacman apanga. Chai huarmicunallatacmi: “Canhuan alli apanacuccunallatacmi cantaca umashpa mishashca. Paicunaca cambac chaquita turupi pambachishpaca shitashpa rircallami” ninga.

JEREMÍAS 4:30

Can chai llaquihuan cashpaca, ¿imatatac ruhuangui? Sumac pucanlla churanata churarishcapish, sumac coronata churarishcapish, cambac ñahui millmacunata yananllata ruhuashca cashpapish imata mana ruhuai pudinguichu. Yangami sumacta allichiringui. Canta cuyaccunaca canta piñashpami, huañuchingapac mashcancuna.

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

JEREMÍAS 48:41

Chashna shamushpami, tucui llactacunatapish mishashpa, muyundita jatun pircashca llactacunatapish atishpa japinga. Chai punzhapica sinchi runacunapac shunguca sajuaric huarmi shinami tucunga.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

JEREMÍAS 6:24

Jerusalenpi causaccuna chaicunata uyashpaca: “Ñucanchicca fuerza illacmi saquirishcanchic. Ñucanchictaca yalli llaquimi japishca. Shuc huarmita sajuari nanai japic shinami, ñucanchictaca nanai japishca.

EZEQUIEL 28:9

¿Canca huañuchiccunapac ñaupapica: ‘Diosmi cani’ ni pudinguichu? ¡Canca huañuchiccunapac ñaupapica runallami cangui! ¡Mana dioschu cangui!

SAN MATEO 24:8

Chai llaquicunaca callari llaquicunallami canga.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.