JEREMÍAS 13:16 - Dios Rimashcata Quillcashcami

¹⁶ Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 13:16 Iomraidhean Croise

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

SALMOS 107:10

Fierro cadenahuan huatashcami llaquita apashpa amsa tutapi causarcacuna.

SALMOS 107:14

Huañunalla amsapuramanta llucchishpami cadenacunata pitishpa cacharichirca.

SALMOS 29:2

Mandac Diospac sumaimana shutitaca paita alabana cashca shinallatac alli alabaichicyari. Mandac Diostaca sumaimana jucha illac cashcamanta adoraichicyari.

SALMOS 44:19

Shina cacpipish, chacal animalcuna sirinapimi shitarcangui. Manchana llanduhuanmi ñucanchictaca taparcangui.

ÉXODO 10:21

Mandac Diosca Moisestaca: —Tucui Egipto llactapi yalli pura tucuchun, maquita huichaiman alzai. Chai purataca maquihuanpish tuparinallami canga— nirca.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

ECLESIASTÉS 11:8

Maijan unai huatata cushicushpa causashpaca, pura tutapi ashtahuan unai huatacunata causana cashcatami yuyarina can. Quipaman ima tucugricucca yangallami canga.

ISAÍAS 5:30

Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 59:10

Ñahui mana ricuc shinami, maquihuan tantiashpa purinchic. Chaupi punzhapi cashpapish, pura tutapi shinami mitcarinchic. Huañushca shinami, amsa ucupi causanchic.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ISAÍAS 60:2

Riquichic, cai pachataca pura tutami tapanga. Llactacunapica amsayangami. Shina cacpipish, Mandac Diospac sumaimana achicmi cambac jahuapica achicyachishpa ricuringa.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

JEREMÍAS 4:23

Cai pachata ricucpica, llaquinayaita tucuchishca, imapish mana tiyarcachu. Cutin jahua pachata ricucpica, ima achicpish mana tiyarcachu.

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

JEREMÍAS 6:21

Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

LAMENTACIONES 4:17

Ñucanchicta ayudacta chapacucllapitacmi ñahuipish amsayan. Mana ayudanata pudic llactatami torre jahuaman huichicushpa chapacushcanchic.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

EZEQUIEL 34:12

Ima shinami shuc michic caita, chaita rishca ovejacunata mashcan, chashnallatacmi ñucapish, ñuca ovejacunataca mashcasha. Puyu tapashca amsa punzhacunapimi ovejacunaca caita chaita rirca. Tucui chaicunataca llucchimushami.

EZEQUIEL 36:15

Shuctac llactapi causaccunapish ña mana ashtahuan camishpa rimangachu, ña mana burlashpa asingachu. Huahuacunapish mana ashtahuan huañungachu. Chaitaca Mandac Dios ñucami nini” ninmi ningui» nirca.

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

AMÓS 4:13

Paica urcucunatapish, huairatapish ruhuac, runacunamanpish, pai imata yuyaricushcata huillacmi. Paimi, tutatapish punzhayachin. Paica cai pachapi tucui urcucunatami purin. ¡Paica, tucuita Mandac Dios shutimi!

AMÓS 5:18

¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

MALAQUÍAS 2:2

Cai mandashcacunata mana cazushpa, tucui shunguhuan ñuca shutita mana alli nicpica, yallitami llaquichisha. Bendicianapac randica maldiciashami. Tucui shunguhuan ñucata mana cazushcamantaca ñami maldiciarcani.

SAN JUAN 12:35

Chaimantami Jesusca: —Asha punzhacamanllami Achicyachicca cancunahuan canga. Achicyachic cancunahuan cashcacamanca, achicpi purichic. Amsapi puricca maiman ricushcatapish mana yachanchu.

JOSUÉ 7:19

Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.

1 SAMUEL 6:5

Cancunapac llactata tucuchicuc chupu shinata, ucuchacuna shinata curimanta ruhuashpa israelcunapac Diostaca allimari cangui nichic. Chashna ruhuacpica cancunatapish, cancunapac dioscunatapish, cancunapac allpacunatapish, paipac poderhuan llaquichinataca saquingapishchari.