JEREMÍAS 13:14 - Dios Rimashcata Quillcashcami

¹⁴ Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 13:14 Iomraidhean Croise

2 CRÓNICAS 20:23

Amonitacuna, moabitacunaca Seir urcumanta shamuccunata huañuchishpa, tucuchingapacmi jatarircacuna. Paicunata tucuchishca quipaca, paicunapurallatacmi huañuchinacurca.

JOB 27:22

Diospac podermanta pai miticusha nicucpipish, Diosca mana llaquishpami yalli llaquihuan paitaca llaquichinga.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

JEREMÍAS 15:5

Jerusalenlla, ¿pitac cantaca llaquingayari? Can llaquita apacucpica, ¿pitac huacangayari? ¿Pitac “allilla causangui” ningayari?

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 16:5

Mandac Diosca: «Cai gentecunataca mana llaquinichu, mana cuyanichu. Paicunamantaca cushi causaita anchuchircanimi. Canca chai gentecuna huañushca ucumanpish, duelo churarishcapac huasimanpish ama yaicunguichu. Chaipi huacangapacpish, llaquinacungapacpish ama yaicunguichu.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 25:16

Chaita ubiashpaca huañuchiccunata ñuca chai llactaman cachacpimi, manchaihuan chucchushpa yuyaita chingachinga» nirca.

JEREMÍAS 47:3

Caballocuna tulun nishpa callpamucta uyashpa, carreta ruedacuna huacashcata uyashpami taitacunaca huahuacunata shitashpa callpanga. Yallita manchaihuan chucchushpami imata mana ruhuai pudinga.

JEREMÍAS 48:12

Mandac Diosca: «Shina cacpipish, shuc puñumanta shuc puñuman pasachichun cachana punzha chayamugrin. Paicuna shamushpami chai vinotaca shuc puñuman pasachishpa, chushacllata saquishpa, puñucunataca paquinga.

JEREMÍAS 6:21

Chaimantami Mandac Diosca: «Cai gentecunamanca mitcarinatami churagrini. Chaipi mitcarishpami taitacunapish, churicunapish, vecinopish, shuctac gentecunapish huañunga» nin.

LAMENTACIONES 2:21

Huahuacunapish, yuyaccunapish ñancunapimi huañucun. Solteracunapish, mosocunapish espadahuan chugrichishcami huañurca. Can piñarishca punzhapica mana llaquishpami huañuchircangui.

EZEQUIEL 24:14

Ñuca huillashcataca pactachishatacmi. Llaquichishatacmi. Mana llaquishachu, mana tigrarishpa ricushachu. Can imata ruhuashpa, causashca shinallatacmi taripashpa llaquichisha. Chaitaca Mandac Dios ñucami nini” ninmi ningui» nirca.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

EZEQUIEL 7:4

Ñucaca manatac perdonashachu, manatac llaquishachu. Ashtahuanpish cancuna ima shina millaita ruhuashpa causashcata cancunaman ricuchishpami llaquichisha. Shina ruhuacpimi, ñucataca Mandac Dios cashcata yachanguichic nini” ninmi ningui» nirca.

EZEQUIEL 7:9

Ñucaca manatac perdonashachu, manatac llaquishachu. Ashtahuanpish cancuna millaita ruhuashcata taripashpami cancunaman ricuchisha. Shina ruhuacpimi, ñucataca Mandac Dios cashcata yachanguichic.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

EZEQUIEL 9:5

Caishuc runacunata sinchita caparishpaca: «Cancunapish chai runata catishpa, pueblo chaupita rishpa huañuchigrichic. Paicunataca ama llaquinguichicchu, ama perdonanguichicchu.

OSEAS 2:4

Paicunapac huahuacunaca huainayac huarmipac huahuacunami. Chaimanta paicunatapish mana llaquishachu.

ZACARÍAS 11:6

Ñucapish cai llactapi causaccunataca mana ashtahuan llaquishachu. Ñucallatacmi shuctac gentecunapac maquipi, jatun mandacpac maquipi churasha. Paicunata tucuchishpa, llactata chushaclla saquicucpipish, paicunapac maquimantaca mana cacharichishachu» nirca.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

MARCOS 13:12

Huauquica, quiquin huauquita, taitaca quiquin churitami huañuchichun japichinga. Churicunaca taita mamata piñashpami huañuchichinga.

DEUTERONOMIO 29:20

Mandac Diosca chashna mana alli ruhuactaca mana perdonangachu. Ashtahuanpish nina rupashpa cushnicuc shina piñarishpa, paipaclla cachun munashpa, cai libropi sinchita nicushca shinami llaquichinga. Chashnami cai pachamanta chai runapac shutitaca chingachinga.

1 SAMUEL 14:16

Saulpac chapac soldadocunaca Benjamín llactapi cac Gabaa pueblomantami filisteocuna caita chaita callpacucta ricurca.