JEREMÍAS 12:7 - Dios Rimashcata Quillcashcami

⁷ Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 12:7 Iomraidhean Croise

2 REYES 21:14

Maijan saquirishca ñuca acllashcacunataca paicuna ima charishcata quichuchun, llucchishpa cachachunmi piñaccunapac maquipi saquisha.

SALMOS 106:40

Chaimantami Mandac Diosca pai acllashcacunahuan yallita piñarirca. Paipacllatac charicushpapish millanayachircami.

SALMOS 78:62

Pai acllashcacunahuanca yallita piñarishpami espadahuan huañuchichun saquirca.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

JEREMÍAS 11:15

Ñuca cuyashca huarmi shina llactalla, cai tucui millana juchacunata ruhuashpaca, ¿imapactac ñuca huasimanca shamunguichic? ¿Ñucaman animalta chicanyachishpa cushpaca, cai llaquimanta, quishpirishami yuyanguichicchu? ¿Chaita cushpaca cushicushami yuyanguichicchu?

JEREMÍAS 14:19

Jeremiasca: «Judá llactapi causaccunataca, ¿huiñaitachu shitarcangui? ¿Sión llactataca yallitachu millarcangui? ¿Ima nishpatac mana jambiripacta ñucanchictaca chugrichircangui? Cushi punzhata shuyacucpica, ima alli mana shamurcachu. Jambirina punzhata shuyacucpica, manchaimi shamurca.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 22:5

Ashtahuanpish cai mandashcacunata mana cazucpica, cai huasitaca shitashca pamba shinatami saquisha. Chaitaca Mandac Diosca ñucami ari nini” ninmi ningui» nirca.

JEREMÍAS 23:33

Jeremías canta: “Cai llactapi causac maijancuna, mana cashpaca shuctac huillac, mana cashpaca cura: ¿Mandac Diosca imatatac huillan?” nishpa tapucpica: Canca: “Mandac Diosca: ‘Ñucaca cancunataca shitagrinimi’ ninmi ningui” nirca.

JEREMÍAS 23:39

cancunataca shitashpami saquisha. Cancunatapish, cancunaman, cancunapac taitacunaman cushca llactatapishmi ñuca ñaupamanta tucui chingachisha.

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

OSEAS 11:1

Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

OSEAS 9:15

Mandac Diosca: «Paicuna mana allita ruhuashcataca Gilgalpi ricunallami. Chaipimi paicunataca mana ricunayachircani. Paicuna yalli mana allita ruhuashcamantami, ñuca huasimanta llucchishpa cachasha, mana ashtahuan cuyashachu. Paicunata tucui mandaccunapish mana cazuccunami.

JOEL 2:15

¡Sión urcupi cornetapi tocaichic! ¡Tandanacushpa ayunachun huillaichic!

JOEL 3:2

tandachishpami, Josafat pambaman cachasha. Chaipimi ñuca acllashca israelcunata llaquichiccunataca ñucapish taripashpa llaquichisha. Paicunami ñuca acllashcacunataca shuctac llactacunaman caita chaita cachashpa, ñuca allpatapish chaupinacurca.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

DEUTERONOMIO 33:12

Benjaminmanta nishpaca: «Mandac Diosca paita cuyanmi. Paipac ladopimi mana manchashpa causanga. Paipac rigra ucupimi cuidashpa charinga» nirca.