JEREMÍAS 12:6 - Dios Rimashcata Quillcashcami

⁶ Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

JEREMÍAS 12:6 Iomraidhean Croise

JOB 6:15

Ashtahuanpish ñucataca ñuca huauquicunallatacmi, yacu jundashpa shamuc shina llaquichin. Manchana jatun yacu shamuc shinami llaquichincuna.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

SALMOS 69:8

Ñuca huauquicunapac ñaupapipish mana ricsishca shinami cani. Ñuca mamapac huahuacunapacpish maimanta shamushca shinami cani.

PROVERBIOS 23:8

Chai micushcataca arcadanguimi. Can sumacta pagui nishcapish yangami canga.

PROVERBIOS 26:25

Canhuan apanacuc tucushpa rimacpica, ama cringuichu. Chaica, paipac shungupica canchis jatun millanayai yuyaicuna jundami.

ISAÍAS 31:4

Mandac Diosca: «Shuc león ovejata japishpa micushpaca, tucui michiccuna tandanacushpa manchachingapac shamucpipish, mana manchanchu. Chashnami tucuita Mandac Dios ñucapish, ñucapac Sión urcupi macanacungapac urai shamusha.

JEREMÍAS 11:19

Ñucaca, ñucata huañuchinata yuyaricushcata mana yachashpami, huañuchina ucuman ric llaquilla oveja shina carcani. Piñaccuna: «Paipac shutita pipish ama ashtahuan yuyarichun, yurataca pucushca granondi pitishpa, cai pachapi causaccunapuramanta tucuchishunchic» ninacushcami carca.

JEREMÍAS 11:21

Anatot runacunaca: «Ñucanchic maquipi mana huañungapacca, Mandac Diospac shutipi ama ashtahuan huillaichu» nircami.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

JEREMÍAS 9:5

Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

MARCOS 12:12

Fariseocunaca chimbapurashca parlocunahuan Jesús parlashpaca, paicunata rimacushcata yachashpami, prezu japinata munarca. Shina yuyacushpapish gentecunata manchashcamantami, mana imata ruhuashpa rircalla.

SAN JUAN 7:5

Quiquin huauquicunapish Jesusta mana crircacunachu. Chaimantami Jesusca:

HECHOS 16:22

Chaimantami tucui gentecunaca Pablotapish, Silastapish piñai callarirca. Shinami mandaccunaca Pablotapish, Silastapish churanata llucchishpa, caspicunahuan macachun mandarca.

HECHOS 18:12

Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.