JEREMÍAS 11:15 - Dios Rimashcata Quillcashcami

¹⁵ Ñuca cuyashca huarmi shina llactalla, cai tucui millana juchacunata ruhuashpaca, ¿imapactac ñuca huasimanca shamunguichic? ¿Ñucaman animalta chicanyachishpa cushpaca, cai llaquimanta, quishpirishami yuyanguichicchu? ¿Chaita cushpaca cushicushami yuyanguichicchu?

JEREMÍAS 11:15 Iomraidhean Croise

SALMOS 50:16

Ashtahuanpish Diosca millaita ruhuactaca: «Canca ñuca mandashcacunataca ima ninata mana charinguichu. Ñucahuan ari nishcatapish, cambac shimihuanca mana rimanachu cangui.

SALMOS 60:5

Ñuca mañashcata uyashpa cambac cuyashcacunataca cambac alli maquihuan quishpichiyari. Ñuca mañacucta uyaiyari.

PROVERBIOS 10:23

Yuyai illac runaca millaita ruhuashpami cushicun. Ashtahuanpish alli yuyaiyuc runaca alli yachacushpami cushicun.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 2:14

Paicunaca mana allita ruhuashpami cushicuncuna. Jatun mana allicunata ruhuashpami, yallita asincuna.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 26:18

Loco tucushpa ninata japichishpa, flechata cacharishpa huañuchic shinami,

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

JEREMÍAS 13:27

Can yallita huainayashpami pucushca caballo shina lomacunapi caparishpa, jatun mana allita ruhuarcangui. Pambapica jatun millanacunata ruhuacuctami ricurcani. ¡Aij, Jerusalenlla! ¿Ima horascamantac ñucapac ñaupapica mapa illac tucugringui?» ninmi.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

JEREMÍAS 23:11

Mandac Diosca: «Ñucamanta huillac runapish, curacunapish ñucataca mana manchancunachu. Ñuca huasipipish mana allita ruhuashcatami ricuni.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

OSEAS 3:1

Mandac Diosca cutin rimashpaca: «Shuc cuyashcata charic huainayac huarmita cuyagri. Paitaca ñuca israelcunata ima shinami cuyani, chashnatac cuyai. Israelcuna shuctac dioscunata mañacucpipish, chaquishca uvas tortata chai dioscunaman cucpipish cuyanimi» nirca.

SAN MATEO 22:11

Jatun mandac ucuman yaicushpaca, boda churanata mana churarishca runatami ricurca.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

ROMANOS 11:28

Mana israelcunapac allipacmi, israelcunaca alli huillaita mana cazushpa, Dios piñashca tucushcacuna. Shina cacpipish, Diosca paicunapac ñaupa taitacunata acllashcamantami cuyacun.

1 CORINTIOS 13:6

mana allita ruhuashcata ricushpa mana cushicuc, ashtahuanpish alli cacta ricushpa cushicucmi.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.