JEREMÍAS 11:11 - Dios Rimashcata Quillcashcami

¹¹ Chaimantami Mandac Dios ñucaca yallita llaquichigrini. Chai llaquimanta mana quishpiri pudishpami, ñucata caparishpa mañanga. Chashna mañacpipish, manatac uyashachu.

JEREMÍAS 11:11 Iomraidhean Croise

2 REYES 22:16

Mandac Diosca: ‘Riqui, ñucami cai llactamanpish, cai llactapi causaccunapac jahuamanpish jatun llaquita cachagrini. Judá llactata jatun mandacpac ñaupapi rezashca libropi nishca shinami tucui llaquicunata cachasha.

2 CRÓNICAS 34:24

ñucami jatun mandacpac ñaupapi rezashca libropi tucui nicushca shinaca cai llactatapish, cai llactapi causaccunatapish llaquichigrini.

JOB 35:13

Yanga rimashcacunataca Diosca mana uyanchu. Tucui poderta charic Diosca ricunallatapish mana ricunchu.

SALMOS 18:41

Paicuna caparicpipish pi mana ayudarcachu. Can Mandac Diostapish mañarcacunami, canpish mana uyarcanguichu.

SALMOS 66:18

Ñuca shungupi mana allicunata yuyarishca cacpica, Mandac Diosca mana uyanmanchu carca.

PROVERBIOS 1:28

Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 24:17

Cai pachapi causaccunalla, cancunamanca yallita manchana jutcu urmachic tucllami llaquichingapac shuyacun.

JEREMÍAS 11:14

Canca, cai gentecunamantaca ama mañaichu. Ñucaca paicuna llaquihuan cashpa, ñucata caparishpa mañacui punzhapica mana uyashachu. Chaimanta paicunamantaca ama caparishpa ñucata mañanguichu.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 14:2

«Judá llactapi causaccunaca duelo churashcami. Llacta pungucunapish ña urmanallami. Chaipi causaccunaca yalli llaquihuanmi allpapi siririn. Jerusalenpica caparishpa huacashcami uyarin.

JEREMÍAS 15:2

Paicuna: “¿Maimantac rishunyari?” nicpica, Mandac Diosca: “Huañungapac caccunaca huañuchun. Jatun macanacuipi huañungapac caccunaca jatun macanacuipi huañuchun. Yarcaihuan huañungapac caccunaca yarcaihuan huañuchun. Prezurina caccunaca prezurichun” ninmi ningui.

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 19:3

Paicunataca: “Judá llactata jatun mandaccunapish, Jerusalenpi causaccunapish Mandac Dios rimashcata uyaichic. Israelcunapac tucuita Mandac Diosca: Ñucami cai llactaman yalli llaquicunata cachagrini. Chai llaquita uyashpaca chucchushpa, ringricamanmi nanachinga.

JEREMÍAS 23:12

Chaimantami paicunapac ñanca pura tutapi lluchcarina ñan shina canga. Chaipica ñuca tangacpimi, urmashpa llaqui tucunga. Ñucallatacmi paicunamanca yallita llaqui punzhacunata apamusha.

JEREMÍAS 25:35

Michiccunapish mana miticuna pushtuta charingachu. Mandaccunapish mana quishpiri pudingachu.

JEREMÍAS 35:17

Chaimantami israelcunapac tucuita Mandac Dios ñucaca: Judá llactapi causaccunapish, Jerusalenpi tucui causaccunapish ñuca rimashcata, ñuca cayashcataca mana uyarcacunachu. Chaimantami paicunata llaquichishami nishpa rimashca shinallatac llaquichigrini nini» ninmi.

JEREMÍAS 36:31

Mana allita ruhuashpa causashcamantaca paitapish, paipac huahua huahuacunatapish, paita serviccunatapish llaquichishami. Chashna ñuca huillacpipish, paicunaca mana cazurcachu. Chashnami paicunatapish, Jerusalenpi causaccunatapish, Judá llacta runacunatapish llaquichigrini” ninmi ningui» nirca.

JEREMÍAS 6:19

Cai pachapi causaccuna uyaichic. Cai pachapi causaccuna millaita ruhuashcamanta, ñuca rimashcata mana uyashpa, ñuca mandashcacunata mana cazushcamantami chashna llaquichigrini.

LAMENTACIONES 2:22

Fiestaman cayac shinami, tucui ladomanta llaquichiccunataca apamurcangui. Mandac Dios can piñarishca punzhapica pipish mana causacca saquirircachu. Ñuca cuidashpa huiñachishca huahuacunataca ñucata piñaccunami huañuchirca.

EZEQUIEL 14:3

«Huañunalla runa, cai runacunaca ruhuashcalla dioscunata yallita adorashpami, juchapi urmashcacuna. Chashna ruhuashca jahua ñucata tapungapac shamuchunca, ¿maitatac saquishayari?

EZEQUIEL 7:5

Mandac Dios rimashpaca: «¡Riquichic, jatun llaquimi catipi, catipi chayamugrin!

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

AMÓS 5:19

Chai punzhapica leonta manchashpa callpacushpaca, osohuanmi tupanga. Huasiman yaicushpa, pircapi tuparishpaca, culebrapimi taunallinga.

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.