JEREMÍAS 10:9 - Dios Rimashcata Quillcashcami

⁹ Paicunaca Tarsis llactamantaca cutashca cullquita, Ufaz llactamantaca curitami apamun. Shina apamucpimi, cullquita yacuyachic runaca allichishpa shuc diosta ruhuan. Chashna ruhuashpa, azul, yana, puca churanata churachin. Tucui chaicunaca yachac runacuna ruhuashcallami.

JEREMÍAS 10:9 Iomraidhean Croise

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.

SALMOS 115:4

Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ISAÍAS 23:6

Tarsis llactaman richic. Tucui mama cucha patapi causaccunalla huacaichicyari.

ISAÍAS 40:19

Fierrota yacuyachishpa, imatapish ruhuanata yachacca, fierromantami diosta ruhuan. Cullquimanta imatapish ruhuanata yachacca, curita tacashpa jahuallata churashpami cullqui cadenata ruhuan.

EZEQUIEL 27:12

Can tucuilayata charicpimi, Tarsispi causaccunaca cullquihuan, fierrohuan, estañohuan, plomohuan plazacunapi randingapac shamurca.

EZEQUIEL 27:7

Barcota apac pañoca Egiptopi bordashca sumac pañomi carca. Carpaca mama cucha ladopi cac Elisa llactamanta azul, yana puca telami carca.

DANIEL 10:5

Chaipi alzarishpa ricushpaca, lino churanata churashca, Ufaz llactamanta curi chumbihuan chumbillishca shayacuctami ricurcani.

OSEAS 8:6

Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.