JEREMÍAS 10:5 - Dios Rimashcata Quillcashcami

⁵ Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

JEREMÍAS 10:5 Iomraidhean Croise

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

2 CRÓNICAS 25:15

Chaimantami Mandac Diosca Amasias-huan piñarishpa, pai ima nishcata huillac shuc runata cacharca. Chai huillacca: —¿Ima nishpatac canca chai llactapi causaccunapac dioscunata mashcangui? Chai dioscunaca paicunataca cambac maquimantaca mana quishpichi pudircachu— nirca.

ISAÍAS 16:12

Moab llactapi causaccuna lomacunapi tiyac altarcunapi paicunapac dioscunapac huasiman yaicushpa, shaicucta mañashcapish yangallami canga.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

DEUTERONOMIO 4:28

Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.