JEREMÍAS 10:4 - Dios Rimashcata Quillcashcami

⁴ Chai quipaca sumac ricurichunmi cullquihuan, curihuan jahuallata cahuin. Ama cuyurichunca martillohuan clavashpami, sinchita shayachin.

JEREMÍAS 10:4 Iomraidhean Croise

SALMOS 115:4

Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 135:15

Shuc llactacunapi causaccunapac dioscunaca runacuna paicunapac cullquimanta, curimanta ruhuashcallami.

ISAÍAS 44:12

Fierreroca fierrota rupachishpa, tenazata japishpa, paipac fuerzahuanmi sumacta ruhuan. Chai quipaca yarcachishpa, shaicushpa, yacuta mana ubiashpaca, imata mana ruhuai pudinchu.

ISAÍAS 46:6

Curita mochilamanta llucchishpami cullquita balanzapi pezan. Chai quipaca cullquimanta imata ruhuac runaman cushpami, shuc diosta ruhuachin. ¡Chai diospac ñaupapi cumurishpami adoran!

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.