JEREMÍAS 10:17 - Dios Rimashcata Quillcashcami

¹⁷ Muyundita pircashca llactapi causaccuna, cancuna charishcacunata tandaichic.

JEREMÍAS 10:17 Iomraidhean Croise

JEREMÍAS 21:13

Pugru pamba chaupipi tiyac jatun rumi jahuapi causaccunalla, ñucallatacmi cancunataca llaquichingapac shayarini. Cancunaca: ‘¿Pitac ñucanchic-huan macanacungapac shamui pudinga? Ñucanchic causacuc pushtumanca, ¿pitac yaicui pudinga?’ ninguichicmi.

JEREMÍAS 6:1

Benjaminpac huahuacunalla, jahua lado llactamantami cancunata llaquichishpa tucuchicca shamucun. Chaimanta Jerusalenmanta llucshishpa, Tecoa llactapi cornetapi tocaichic. Bet-haquerem llacta ladopi cushnichishpa ricuchichicyari.

MIQUEAS 2:10

¡Caipica, mana samarina tiyanchu. Chaimanta jatarishpa richiclla! Cai pushtuca yallita mapayashca cashcamantami, tucui tucuchishca canga.

SAN MATEO 24:15

Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.