JEREMÍAS 10:12 - Dios Rimashcata Quillcashcami

¹² Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

JEREMÍAS 10:12 Iomraidhean Croise

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

GÉNESIS 2:5

manarac tamyarcachu. Chaimantami cai allpapica ima yurapish, quihuapish manarac huiñarca. Shinallatac allpata allichic runapish manarac tiyarcachu.

1 CRÓNICAS 16:26

Gentecunapac dioscunaca, imapish mana cac yanga dioscunami. Ashtahuanpish Mandac Diosmi jahua pachacunataca ruhuarca.

JOB 26:7

Paica jahua pachatapish airepimi churarca. Cai pachatapish, imahuan mana churachishpami charicun.

JOB 37:18

Dios jahua pachata mana paquiric espejota shina ruhuacucpica, ¿canchu ayudarcangui?

JOB 9:8

Paillami jahua pachatapish telata chutac shina churarca. Paica caiman chaiman cuyucuc mama cucha jahuatami purin.

SALMOS 104:2

Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

SALMOS 119:90

Huahua huahuacamanmi canca tucuita pactachicungui. Cai pachataca pi mana cuyuchipacta sinchitami ruhuarcangui.

SALMOS 24:2

Paimi cai pachataca mama cucha jahuapi churashpa chai jahuapi sinchita tiyachirca.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

SALMOS 65:7

Mama cucha yalli huaj nicuctapish, yacucuna manchanayaita jataricpipish canmi casillata ruhuangui. Llactacunapi causaccuna caparinacucpipish, canmi upallachingui.

SALMOS 78:69

Chaipimi paipaclla huasitaca jahua cielocaman jatunta shayachirca. Cai pachata huiñaita charichunmi alli sinchi allpapi shayachirca.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

PROVERBIOS 3:19

Mandac Diosca cai alli yachaihuanmi cai allpataca ruhuarca. Alli yuyaihuanmi jahua pachataca maita mana cuyuchipacta sinchita churarca.

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

ISAÍAS 40:22

Diosca cai pacha tucui muyundipimi tiyacun. Chaipi causaccunaca langosta curucuna shinami. Paimi jahua pachataca pañota tendic shina, carpa huasita shayachic shina ruhuarca.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

ISAÍAS 44:24

Mamapac huicsapi cacpirac cuidac, cancunata quishpichic Mandac Diosca: «Ñucami tucuita ruhuac Mandac Diosca cani. Ñucallami jahua pachatapish, cai pachatapish pañota tendic shina churarcani.

ISAÍAS 45:12

Ñucaca cai pachata ruhuashpami chaipica runata causachun churarcani. Ñuca maquihuan jahua pachata ruhuashpami, chaipi lucerocuna tiyachunpish mandarcani.

ISAÍAS 45:18

Jahua pachatapish, cai pachatapish Diosca sumactami ruhuarca. Yanga tiyachunca mana ruhuarcachu. Ashtahuanpish chaipi causachunmi ruhuarca. Mandac Diosca: «Ñucallami Mandac Dios cani, ashtahuan shuctac Diosca mana tiyanchu.

ISAÍAS 48:13

Ñuca maquihuanmi cai pachataca ruhuarcani. Ñuca alli lado maqui shunguhuanmi jahua pachataca medircani. Ñuca cayacpica, tucui paicunami tandanacurca.

ISAÍAS 49:8

Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

JEREMÍAS 10:13

Pai rimacpica, jahua pacha yacucunapish tandarinmi. Paimi puyutapish tucui cai pacha patacunamanta huichaiman apan. Paimi relampahuan tamyachishpa, huairataca, huaira tiyana pushtumanta llucchin.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 27:5

“Ñuca poderhuanmi cai pachatapish, runacunatapish, animalcunatapish, allpapi ima tiyaccunatapish ruhuarcani. Chaitaca maijan ñuca munashcamanmi cuni.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

SAN JUAN 1:3

Paillahuantacmi Diosca tucuita ruhuarca. Mana paihuan ruhuashcaca imatapish mana tiyanchu.

COLOSENSES 1:16

Diosca paihuanmi jahua pachapi tiyac imacunatapish, cai pachapi tiyac imacunatapish, ricuipaccunatapish, mana ricuipaccunatapish, poderta charic mandac espiritucunatapish ruhuarca. Tucuitami paihuan ruhuashpa, paipaclla cachun ruhuarca.