JEREMÍAS 1:5 - Dios Rimashcata Quillcashcami

⁵ «Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

JEREMÍAS 1:5 Iomraidhean Croise

SALMOS 139:15

Ñuca pacalla huiñacushpapish, cambac ñaupapica, mana pacallachu carcani. Allpa ucupi shina huiñacushpapish, mana pacalla cai pudircanichu.

SALMOS 139:16

Muyu shina ñuca huiñai callaricucpimi canca ña ricurcangui. Tucui chaicunatami cambac libropi ña quillcarcangui. Ñuca causai punzhacuna manarac tiyacpimi ña yupashca carcani.

ÉXODO 33:12

Moisesca Mandac Diostaca: —Riqui, canca ñucataca: “Israelcunata pushai” ninguimi. Shina cacpipish, ñucahuan pi rina cashcataca manamari huillanguica. Chashnallatac: “Ñucami cambac alli ricsishca cani. Canca, ñuca ñahuipica allimi ricurishcangui” nircanguimi.

ÉXODO 33:17

Shina nicpimi, Mandac Diosca Moisestaca: —Ñucami cambac alli ricsishca cani. Ñuca ñahuipica allimi ricurishcangui. Ñuca nishcatapish canmanca ricuchishami— nirca.

ISAÍAS 44:2

Ñucaca cancunata ruhuac, mamapac huicsapi cacpirac huiñachic Mandac Diosmi cani. Ñucata servic Jacobopac huahuacunalla, ama manchaichicchu. Ñuca acllashca Jerusalenlla, ama manchaichu.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 49:5

Mandac Diosca ñuca mamapac huicsamanta pachami paita servichun acllarca. Jacobopac huahua huahua israelcunata paipacman tandachimuchunmi acllarca. (Mandac Diospac ñaupapimi yallita alli nishca cani. Ñuca Diosmi sinchiyachin).

JEREMÍAS 1:10

Cunan punzhamanta pachami cantaca llactapi causaccunatapish, jatun mandaccunatapish, sapimanta llucchic shina tucui chingachichun, urmachishpa ñutuchichun, shinallatac cutin shayachishpa, tarpuc shina allichichun churani» nirca.

JEREMÍAS 1:4

Mandac Dios ñucata rimashpaca:

JEREMÍAS 20:15

¡Ñuca taitata cushichishpa: «Canmanca cari huahuatami sajuarishca» nic runapish mana alli nishca cachun!

JEREMÍAS 25:13

Chai llactataca ñuca huillashca shina, tucui shuctac llactacunatapish llaquichingapac cai libropi quillcashcata Jeremías huillashca shinallatacmi llaquichisha.

JEREMÍAS 36:2

«Quillcana carata japishpa, chaipi Josías causacui punzhacunamanta cunan punzhacaman israelcunata, Judá llactapi causaccunata, shuctac llactapi causaccunata ima shina llaquichinata tucui quillcai.

JEREMÍAS 50:34

Shina cacpipish, paicunata quishpichicca sinchimi. Paipac shutica tucuita Mandac Diosmi. Babilonia llactata llaquichishpami israelcunataca cacharichishpa samachisha. Babilonia llactapi causaccunamanca manchaitami cachasha.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

SAN LUCAS 1:41

María rimashca uyarincami Elisabetpac huicsapica huahua cuyurirca. Diospac Espiritupish Elisabetpacman shamurcami.

SAN LUCAS 1:76

Ñuca huahualla, canca jahua Dios ima nishcata huillacmi cangui. Canmi Quishpichic purina ñanta allichishpa ñaupangui.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

ROMANOS 1:1

Jesucristota servic, apóstol cangapac acllashca, alli huillaita huillachun Dios chicanyachishca Pablomi caita quillcani.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

1 CORINTIOS 8:3

Ashtahuanpish Diosta maijanpish cuyacca, Diospac ricsishcami can.

EFESIOS 1:22

Chashna tucui ima tiyashcacunata mandachun Cristoman cushpaca tandanacushca criccunatapish uma shina mandachunmi, Cristollamantac Diosca curca.