JEREMÍAS 1:16 - Dios Rimashcata Quillcashcami

¹⁶ Chaica, mana allita ruhuashcamantami llaquichigrini. Paicunaca ruhuashcalla dioscunata alli nishpami, inciensota cushnichirca.

JEREMÍAS 1:16 Iomraidhean Croise

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 28:2

Ashtahuanpish Israel llactata jatun mandaccuna shinallatacmi mana allita ruhuashpa causarca. Chaipac jahuapica metalta yacuyachishpami Baal dioscunaman ricchata ruhuachirca.

2 CRÓNICAS 34:25

Paicunaca ñucata cungarishpa, shuctac dioscunaman inciensota rupachishcami. Paicunapac maquihuan mana allita ruhuashpami ñucataca yallita piñachishca. Chaimantami cai llactapi causaccunataca nina japiric shina piñarishpa llaquichigrini. Chai llaquichinataca mana jarcarishachu” ninmi.

2 CRÓNICAS 7:19

Ashtahuanpish ñuca mandashcacunata, ñuca yachachishcacunata saquishpa, huashaiman cutirishpa, shuc dioscunata servishpa alli nishpa causacpica,

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

ISAÍAS 44:15

Chai yuracunallatatacmi rupachishpa cunurin. Hornopi rupachishpami tandata cusan. Chai caspillatatacmi allichishpa shuc yanga diosta ruhuan. Chashnami shuc yanga diosta ruhuashpa, paipac ñaupapi cumurishpa alli nin.

ISAÍAS 65:3

Paicunaca huertacunapi animalta cushpa huañuchishpa, ladrillo jahuacunapi inciensota rupachishpami ñucataca punzhanta piñachirca.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

JEREMÍAS 10:3

Chai gentecuna paicunapac yachachishcaca yangallami. Sachamanta shuc yurata pitishpami, caspita allichic runaca azuelahuan llacllashpa, shuc diosta ruhuan.

JEREMÍAS 11:12

Judá llactacunapi causaccunapish, Jerusalenpi causaccunapish paicuna inciensota cushnichishpa adorana dioscunata caparishpa mañangapac ringacunami. Chai dioscunaca paicuna llaqui punzhapi cacpica, mana quishpichi pudingachu.

JEREMÍAS 11:17

Canta tarpuc tucuita Mandac Dios ñucami canta llaquichinata huillani. Israelcunapish, Judá llactapi causaccunapish Baal diosman inciensota cushnichishpa, mana allita ruhuashpa, ñucata piñachishcamantami chashna ruhuagrini» ninmi.

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 16:11

Shina nicpica canca: “Mandac Diosca: Cancunapac taitacunami ñucata saquishpa, shuctac dioscunapac ñaupapi cungurishpa servirca. Chashnami ñucata cungarishpa, ñuca mandashcacunatapish mana pactachirca.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

JEREMÍAS 4:12

Chai huairaca ñuca cachashca ashtahuan sinchi huairami. Cunanca ñucami paicunataca taripashpa llaquichigrini.

JEREMÍAS 4:28

Chaimantami cai pachaca yana churanata churarishca shina tucunga. Jahua pachapish purayangami. Chaita ruhuanataca ñucallatacmi yuyarircani. Chaitaca manatac saquishachu. Ñuca ruhuasha nishcataca ruhuashatacmi.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

JEREMÍAS 5:29

Chaimantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 5:9

Chai juchamantaca, ¿manachu llaquichina cani? Chashna millaita ruhuac llactataca, ¿manachu paicuna mana allita ruhuashca shinallatac llaquichina cani?

JEREMÍAS 51:17

Tucui gentecunami imata mana yachac, yuyai illac tucuncuna. Yanga dioscunata ruhuaccunapish chai dioscuna yanga cashcamantami pingai tucun. Chai dioscunaca mana samaita charinchu.

JEREMÍAS 7:17

¿Manachu Judá llactacunapi, Jerusalén ñancunapi mana allita ruhuacuctaca ricungui?

JEREMÍAS 7:18

Huahuacunaca yantatami tandan. Taitacunaca ninatami japichin. Huarmicunaca jahua pachata mandac huarmi diosman cungapacmi tandata masancuna. Shuctac dioscunaman ofrendata cushpami, vinota tallin. Chashna ruhuashpami, ñucataca yallita piñachincuna.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

EZEQUIEL 16:18

Cambac sumac churanacunatami chaicunaman churachircangui. Ñuca aceitetapish, ñuca inciensotapish, paicunapac ñaupapimi churarcangui.

EZEQUIEL 24:14

Ñuca huillashcataca pactachishatacmi. Llaquichishatacmi. Mana llaquishachu, mana tigrarishpa ricushachu. Can imata ruhuashpa, causashca shinallatacmi taripashpa llaquichisha. Chaitaca Mandac Dios ñucami nini” ninmi ningui» nirca.

OSEAS 11:2

Shina llaquishpa cayacucpipish, ñucamantaca ashtahuanmi caruyarca. Baal dioscunamanmi animalta cushpa huañuchirca. Yanga dioscunamanmi inciensota rupachirca.

OSEAS 8:6

Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?

HECHOS 7:41

Chashna nishpami, beciman riccha diosta ruhuashpa, chaicunaman animalta huañuchishpa rupachishpa cushicurca.

DEUTERONOMIO 28:20

Mandac Diosmi tucui cancunapac maquihuan ruhuashcacunataca maldicianga. Chaimantami manchaitapish, llaquicunatapish cachanga. Cashnami mana allita ruhuashpa, Diosmanta caruyashcamantaca tucui cancuna tucuringacaman llaquihuan canguichic.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

JOSUÉ 24:20

Cancuna Mandac Diosta saquishpa, shuctac dioscunata servishpa causacpica, piñarishpa cancunamanta anchurishpa llaquichishpami tucuchinga. Cancunaman allita ruhuashca cashpapish tucuchingami— nirca.

APOCALIPSIS 9:20

Cai llaquicunahuan llaquichicucpi mana huañuc gentecunaca, mana allita ruhuanataca mana saquircachu. Ashtahuanpish supaicunatapish, curimanta, cullquimanta, rumimanta, broncemanta, caspimanta ruhuashca mana uyac, mana ricuc, mana puric dioscunatami adorashpa catircacuna.