JEREMÍAS 1:15 - Dios Rimashcata Quillcashcami

¹⁵ Ñucami jahua ladopi causac familiacunata, jatun mandaccunata tandanacushpa shamuchun cayagrini. Paicuna shamushpami, Jerusalenman yaicuna ñaupapi tiyac tucui pirca muyundipipish, Judá llactapi tiyac pueblo muyundipipish carpacunata shayachinga.

JEREMÍAS 1:15 Iomraidhean Croise

ISAÍAS 22:7

Cancunapac sumac pugru pambacunapica carretacunami jundarca. Llacta pungupica caballocunapi ric soldadocunami carpacunata shayachishpa tiyarirca.

JEREMÍAS 10:22

Uyaichic, Judá llactapi tiyac tucui llactacunata shitashca pambata saquingapacmi jahua llactamanta manchanayaita caparishca uyarimun. Cai llactacunataca shitashca pambapi puric chacal animalcuna causanatami ruhuanga.

JEREMÍAS 10:25

Canta mana ricsic llactacunata, cambac shutipi mana mañac gentecunata yallita piñarishpa llaquichiyari. Chaica paicunami Jacobopac llactataca lambishpa micuc shina tucuchirca. Paicunami causana huasitapish shitashcata saquirca» nircani.

JEREMÍAS 13:20

Jahua lado llactamanta shamuccunata huichai ricuichicyari. ¿Maipitac canman saquishca sumac ovejacunaca?

JEREMÍAS 25:28

Cambac maquimanta chai copata japishpa mana ubiasha nictaca Mandac Diosca: “Ubianatacmi canguichic.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 33:10

Mandac Diosca: «Cancuna: “Cai llactapica ima gentecunapish, ima animalcunapish mana tiyanchu. Judá llacta llactacunapi, Jerusalén ñancunapica runacunapish, animalcunapish illanmi, shitashcami siricun” nina llactapica,

JEREMÍAS 34:1

Babilonia llactata jatun mandac Nabucodonosor tucui paipac soldadocunahuan, cai pachapi tiyac pai mandacuc llactacunata mandaccunahuan shamushpa, Jerusalenpi causaccunahuan, chai llactacunapi causaccunahuan macanacucucpimi, Mandac Diosca Jeremiastaca:

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 39:3

Babilonia llactata jatun mandac churashca mandaccunaca Jerusalenman yaicurca. Chashna yaicushpami, chaupi pungu ladocunapi carpacunata shayachishpa tiyarirca. Chai mandaccunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer, shinallatac Babilonia llactata jatun mandac churashca tucui mandaccunami carca.

JEREMÍAS 4:16

Shuctac llactacunatapish, Jerusalentapish: “Caru llactamantami soldadocunaca muyunacushpa, Judá llactacunapi causaccunata llaquichingapac caparishpa shamucun” nichicyari.

JEREMÍAS 4:6

¡Sión ladoman banderata alzaichicyari! ¡Ama unaiyashpa miticungapac callpaichic! Jahua lado llactamantami yalli llaquichicta cachagrini. Chaica yalli llaquimi canga.

JEREMÍAS 43:10

Chashna pambashpaca, israelcunapac tucuita Mandac Diosca: “Ñucata servic Babilonia llactata jatun mandac Nabucodonosortami cachagrini. Shina cachashpami, pai mandashpa tiyarinataca chai rumicunapac jahuapi churasha. Chai jahuapimi sumac carpa huasita shayachinga.

JEREMÍAS 44:6

Chaimantami nina japiric shina piñarishpa, Judá llactacunapipish, Jerusalén callecunapipish rupachic shina llaquichircani. Chai llactacunaca cunan punzhacamanmi tucuchishca, shitashca pamba siricun» ninmi.

JEREMÍAS 46:24

Egipto llactapi causaccunaca pingaichishcami canga. Jahua llacta gentecunapac maquipi churashcami canga» ninmi.

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

JEREMÍAS 6:22

Mandac Diosca: «Jahua lado llactamantami achca gentecuna shamun. Cai pacha tucurimantami sinchi gentecuna shamun.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

LAMENTACIONES 5:11

Cusayuc huarmicunataca Sionpi carihuan manarac chayarishca solteracunataca Judá llactacunapimi japirishpa llaquichirca.

EZEQUIEL 32:30

Jahua lado llacta mandaccunapish, Sidón llactapi causaccunapish chaipimi siricun. Paicunaca yalli sinchi cashpapish mana alli nishca tucushpami, circuncisionta mana ruhuashcacunahuan, jatun macanacuipi huañushcacunahuan pacta enterrashca siricun.

JOEL 2:20

Jahua llactamanta cancunata llaquichiccuna shamucpica, carumanmi cachasha. Paicunataca shitashca pambamanmi catishpa cachasha. Ñaupashpa shamuccunataca inti llucshina lado mama cuchapimi shitasha. Huashata caticcunataca inti tigrana lado mama cuchapimi shitasha. Chaipimi ismushpa yallita ashnanga. Yalli llaquita ruhuashcamantami chashna ruhuasha» ninmi.

ZACARÍAS 6:6

Yana caballocuna aisashca carretaca jahua llactamanmi ricun. Yurac caballocunaca aisashca carretaca inti tigrana ladomanmi ricun. Muru caballocunaca aisashca carretaca ura lado llactamanmi ricun— nirca.